Таатта улууһун Чөркөөх нэһилиэгэр биир күөл уута барыта сир анныгар баран хаалан, букатын хайа хаспаҕа (пещера) үөскээбит диэн видео тарҕаммыта.
Бу видеону чопчулаһаары Чөркөөх нэһилиэгин баһылыга Андрей Петрович Семеновтыын кэпсэттибит:
— Биһиги нэһилиэкпитигэр Дьиэбэгэнэ диэн улахан от үрэхтээхпит. Бу үрэх үс-түөрт күөллээх. Мантан чугас «Кэскил” диэн сылгынан-сүөһүнэн дьарыктанар хаһаайыстыба сылгытын баазата турар. Бу күөлгэ сааһын кустаан, андылаан, олоробут. Ити күөл үрдүнэн тыа быыһыгар дүөдэ баар. Тулата барыта тыа. Күһүөрү кыһын муҥхалыы сылдьан, дүөдэ күөлтэн 100 миэтэрэ курдук тэйиччи сиргэ кыратык уутун киллэрэ сытарын тырахтарыыстар түбэһэ көрөн тааҥнаабыт дэспиттэрэ. Бу күөл нэһилиэктэн 12 км курдук тэйиччи. Уу аллараанан түһэн хайа хаспаҕын курдук хаһан, Молоҕоойу күөлгэ киллэрбит. Бу күөл Дьиэбэгэнэ биир өттүнэн киирэр уонна иккис өттүнэн тахсар. Инньэ гынан бу социальнай ситимҥэ тарҕанаатын кытта, мерзлотоведение институтуттан биһиэхэ сибээскэ тахсан ыйыталаһа сылдьыбыттара. Урут бу Дьиэбэгэнэ налыы от-үрэх этэ. Кэлин көҥүс курдук уута дириҥээбит этэ. Бу үрэххэ турар буолан, нэһилиэкпитигэр да, сылгы да баазатыгар кутталынан суоһаабат.
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…