Черскэй бөһүөлэгэр тыатааҕыны көрдүлэр

Аллараа Халыма оройуонун Черскэй бөһүөлэгэр Хотугулуу-Илиҥҥи научнай ыстаансыйа олорор дьиэтин таһыгар тыатааҕыны көрдүлэр, диэн «Колымская правда» суруйар.

Адьырҕа кыылы ыттар тыа диэки үүрбүттэр эрээри, ол кэннэ хаһаайыстыбыннай тутуулар тастарыгар эмиэ көрбүттэр. Черскэй таһыгар кэнники уон хонук иһигэр дьон эһэни хаста да көрбүттэрин биллэрдилэр.

Олохтоохтору киэһээҥи уонна түүҥҥү кэмҥэ күүлэйдэри тохтоторго, айылҕаҕа тахсар түгэҥҥэ тобох аһы-үөлү анал пакетка хомуйарга ыҥыраллар.