Ахсынньы 20 күнүгэр Аллараа Халыма оройуонун Черскэй бөһүөлэгэр ураты сылаас күн-дьыл: +3 кыраадыс сылаас буолбута бэлиэтэннэ. Илинтэн үрэр сөкүүндэҕэ 3 миэтэрэ түргэннээх тыаллаах. Бу туһунан Дьокуускайдааҕы гидро-метео ыстаансыйа (УГМС) гидрометеорологическай киинин начаалынньыгын солбуйааччы Вячеслав Шехиров иһитиннэрэр.
Бу курдук ураты сылаас күн-дьыл Черскэйгэ 1996 сыл ахсынньы 23 күнүгэр буола сылдьыбыт эбит. Онно кыраадыс 3,1 сылааһы көрдөрбүт. Вячеслав Шехиров этэринэн, сылаас салгын Тиихэй акыйаантан кэлбит. Этэргэ дылы, хоту дойдуга маннык күн-дьыл уһаатаҕына, хаар уулларыгар, атах эт ирэригэр тиийэр. Баҕар, остуоруйаҕа курдук, Саҥа дьыл саҕана ньургуһуннар тыллаайаллар?
2016 сыллаахха Черскэйгэ эмиэ ураты сылаас күн-дьыл турбута бэлиэтэммит эбит. Таммах таммалаан, халтараан буола сылдьыбыта бу хаартыскаттан көстөр. Дьэ, бытарҕан тымныылаах Сахабыт сиригэр кыһыммыт ити курдук дьиктилээх буолар эбит.
Оттон өрөспүүбүлүкэ киин улуустарыгар билигин 40-45 кыраадыстаах тымныы турар да буоллар, аҕыйах күнүнэн хотуттан сылаас салгын кэлэн, эмиэ сылыйара күүтүллэр. Интэриниэт саайтара билгэлииллэринэн, Саҥа дьыл саҕана өтөрүнэн буолбатах сылаас күн-дьыл — 25-30 кыраадыс тымныы буолуохтаах. Тохсунньу ый эмиэ сылаас (ортотунан -30 кыраадыс) буолара билгэлэнэр.
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…