Саха сирин судаарыстыбыннаһын төрүттээбит, киэҥ уонна түҥкэтэх дойдуга култуура өрөбүлүүссүйэтин туругурдубут духуобунай уонна национальнай лидер, этитиилээх суруйааччы, далааһыннаах чинчийээччи Былатыан Ойуунускай 130 сыла, Николай Якутскай 115 сыла, Саха сиригэр грампластинка тарҕаныыта… «Чолбон» сурунаал сэтинньитээҕи нүөмэригэр.
Кэм –кэрдии кэрэһитэ, саха тылын сүмэтин тиэрдэр айымньылардаах «Чолбон» сурунаал сэтинньитээҕи нүөмэригэр ааҕыҥ:
— Бириэмэ аастаҕын ахсын төрөөбүт төрүт дойдуга бэриниилээх, муҥура суох таптал үрдүк холобурунан буола туруох Былатыан Ойуунускай «Саха төрүөбүтэ» чинчийэр үлэтин;
— Николай Заболоцкай-Чысхаан Платон Алексеевич айымньыларын өссө тыыннааҕар анаарбыт ыстатыйатын;
— Саха тыйаатырыгар турбут кириитик Баһылай Бырдьахаанап уонна режиссер Андрей Борисов «Үс саха төрүөҕэр» дьүһүйүүлэрин;
— Елена Слепцова-Куорсуннаах «17-с кыбаартал уонна Мальборо», Бүөтүр Хара «Ыһыах күн», Наталия Рязанская «Туолбут ый» кэпсээннэрин;
— Байыаннай дьайыыларга баҕа өттүнэн сырдык тыынын толук уурбут хорсун боотур, Дьааҥы улууһуттан төрүттээх поэт, «Эр санаа» уордьанынан уонна «Хорсунун иһин» мэтээлинэн наҕараадаламмыт Василий Рожин хоһооннорун;
— Татарстан норуодунай поэта, суруйааччыта, драматура, публициһа, тылбаасчыта, суруналыыһа Ркаил Зайдулла «Хаан уонна поэт» хоһоонун норуодунай суруйааччы Наталья Харлампьева тылбааһыгар;
— Саха сиригэр грампластинка тарҕаныытын историятын «Үйэлэргэ тиийбит көмүс куоластар» ыстатыйатыгар СӨ Национальнай библиотека кылаабынай библиотекара Сардаана Алексеева чинчийиитин;
— Саха уус-уран литературатын билиҥҥи кэмин инники кирбиитигэр сылдьар Россия суруйааччыларын сойууһун чилиэнэ, чаҕылхай прозаик Анатолий Слепцов кэпсээннэрин Ольга Макарова ырытыыта;
— Чурапчы улууһун Хатылы нэһилиэгин бочуоттаах олохтооҕо Мария Парфенова 1987 сыллаахха Молдавияҕа Тирасполь куоракка олорор саха норуодунай суруйааччытын Николай Якутскайы кытта хайдах көрсүбүтүн туһунан ахтыытын.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…