Хаартыска Чурапчы улууһун дьаһалтатын пресс-сулууспата
Бэҕэһээ, алтынньы 3 күнүгэр, Чурапчы улууһун олохтоохторун көҕүлээһиннэрин өйөөһүн (ППМИ) 2025 сыллааҕы бырагырааматыгар кыттыахтаах бырайыактары талыы сүбэ мунньаҕа буолан ааста. Бу нэһилиэнньэ олоҕор суолталаах мунньахха улуус уонна нэһилиэк дьаһалтатын көҕүлээһиннэринэн мустубут тэрилтэ салайааччылара, биирдиилээн дьон, устудьуоннар, ыччаттар, барыта холбоон 1086 киһи кытынна диэн Чурапчы улууһун баһылыга Степан Саргыдаев иһитиннэрдэ.
Сүбэ мунньахха кэлбит дьон Иван Кандинскай аатынан “Айыллаан” култуура киинигэр аныгылыы көстүүлээх масссыына тохтуур сирин, “Мурун Тыымпыйа” ТОС-ка тротуар оҥоһуутун тиһэҕэр тиэрдии, “Куоҕалы” ТОС-ка сайыҥҥы уу ситимин киллэрии, Александр Федотов аатынан успуорт уораҕайыгар хапытаалынай өрөмүөн, “Сатабыл аартыга” диэн талааннаах оҕолору сайыннарыы, бэйэлэрин булуналларыгар сөптөөх эйгэни тэрийии туһунан, нэһилиэнньэттэн киирбит 5 бырайыагы дьүүллэстилэр.
Нэһилиэнньэ олоҕор туһалаах бырагыраамаларга кыттыы боппуруостарын туһунан улуус Дьокутааттарын сэбиэтин бэрэссэдээтэлэ Яков Оконешников, улуус баһылыгын тутуу боппуруоһугар солбуйааччы Афанасий Дьячковскай, Чурапчы нэһилиэгин баһылыга Владимир Сивцев тыл эттилэр. Ол кэнниттэн, олохтоохтортон киирбит бырайыактарга “Айыллаан” КК исписэлииһэ Петр Дьяконов, урбаанньыт, саҥаны айааччы Иннокентий Новгородов, Чурапчы улууһун үөрэҕин управлениетын исписэлииһэ Мотрена Филиппова, Александр Федотов аатынан успуорт уораҕайын дириэктэрэ Александр Неустроев, “Үөрүү” оҕо дьоҕурун эбии сайыннарар киин салайааччыта Ирина Сергеева санааларын үллэһиннилэр. Түмүккэ сүбэ мунньах кыттыылаахтара бары биир киһи курдук, киирбит бырайыактары ылынарга 100% куоластаатылар, онон 2025 сылга бу биэс бырайыак олоххо киирэригэр бүк эрэллээх тарҕастылар.
«Тапталлаах Чурапчыбыт нэһилиэгэ сыллата тупсарыгар бары бииргэ түмсэммит куоластаан, кыайар-хотор, олоххо киллэрэр үтүө үгэспит бу курдук өрүү да салҕана турдун! Нэһилиэнньэ бэйэтэ 2025 сылга олоххо киллэриигэ көҕүлээн киллэрбит бу биэс бырайыагын түмсүүлээхтик күүскэ өйөөммүт, тапталлаах Чурапчыбытын салгыы сайыннарар суолбутун бэйэбит оҥостуоҕуҥ, биир сомоҕо буолан айыаҕыҥ, тутуоҕуҥ!», — диэн улуус баһылыга Степан Саргыдаев санаатын эттэ.
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…