Чурапчы улууһугар 2019-2025 сылларга хаарбах туруктаах дьиэттэн олохтоохтору көһөрүү бырагыраама тиһигин быспакка утумнаахтык ыытыллар. Бүгүн Ярославскай аатынан уулусса 8, 14, 22 нүөмэрдээх, Алаас Миитээски аатынан 14 нүөмэрдээх итиэннэ Ленин аатынан уулусса 42 нүөмэрдээх дьиэлэриттэн уопсайа холбоон 50 ыал саҥа дьиэ олохтооҕун аатын ылла.
Бүгүн “Сахастройгрупп” ХЭТ генеральнай дириэктэрэ Иван Федулов, Чурапчы нэһилиэгин килбэйэр киинигэр, Емельян Ярославскай аатынан 2 “А” нүмэрдээх саҥа аадырыска биэс мэндиэмэннээх, тупсаҕай көстүүлээх, толору хааччыллыылаах таас дьиэни түмүктээн хаһаайыттар кыбартыыраларын күлүүһүн тутар үөрүүлээх түгэннэрэ буолла.
“Ярославскай аатынан уулусса 11 уонна 16 кыбартыыратын олохтоохторо буолабыт. Улаханнык үөрэн турабыт, саҥа дьиэ оһуобай үчүгэй. Күлүүспүт тылын туттубут даҕаны көһөөрү оҥосто сылдьабыт. Чурапчыбыт салалтатыгар, тутуу үлэһиттэригэр барыларыгар кыһамньыларын иһин улаханнык махтанабыт”, – диэн Чурапчы улууһун төрүт олохтоохторо, улуус дьаһалтатын сулууспатын туйгуннара Сардаана Васильевна Коркина, Светлана Иннокентьевна Дьяконова санааларын үллэһиннилэр.
Үөрүүлээх чааска Чурапчы улууһун баһылыга Степан Саргыдаев, Чурапчы нэһилиэгин баһылыга Владимир Сивцев, “Сахастройгрупп” ХЭТ генеральнай дириэктэрэ Иван Федулов уонна саҥа дьиэ олохтоохторун ааттарыттан Марфа Дьячковская эҕэрдэ тылы эттилэр.
Санатан суруйдахха, бу бырагыраама чэрчитинэн улуус үрдүнэн 17 дьиэ о.э 634 кыбартыыра тутуллан үлэҕэ киирдэ, ол иһигэр 302 кыбартыыра “Сахастройгрупп” ХЭТ өҥөтүнэн тутулуннулар.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…