Бэҕэһээ, ахсынньы 15 күнүн киэһэтигэр, Чурапчы сэлиэнньэтигэр буолбут баһаарга эчэйбит икки киһини Дьокуускайга санрейсинэн аҕаллылар диэн СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт пресс-сулууспата иитиннэрэр.
Ол курдук, баһаар кэмигэр эчэйбит 1945 с.т. дьахтары уонна уоту умуруорууга үлэлээбит баһаарынай чаас караулун начаалынньыгын Дьокуускайга аҕаллылар. Дьахтар доруобуйатын туруга ыарахан, оттон эр киһи илиилэрин уокка сиэппит.
Чурапчы сэлиэнньэтигэр элбэх кыбартыыралаах дьиэ умайыытыгар 12 киһи эчэйдэ диэн чопчулаатылар. Онтон биэһэ балыыһаҕа киирбит диэн СӨ Доруобуйа харыстабылыгар министиэристибэтэ ыйар. Бу 1976 сыллаахха тутуллубут дьиэҕэ 24 киһи, ол иһигэр сэттэ оҕо олорбута диэн СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин эбээһинэһин толорооччу Иннокентий Андросов иһитиннэрэр.
Баһаар буолбутугар олохтоохтору суһаллык эвакуациялаабыттар, тустаах көмө көрүллэр, өлүү-сүтүү суох. Барыллаан быһаарыынан, уот ититэр тэрилтэн барбыт.
Арассыыйаҕа биллэриллибит Дьиэ кэргэн уонна Саха сиригэр Оҕо саас сылларынан Аллайыаха улууһугар элбэх үлэ ыытылла…
Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…
Өрөспүүбүлүкэ күнүн бары улуустарга өрө көтөҕүллэн туран, бу күннэргэ араас дириҥ ис хоһоонноох тэрээһиннэри ыыттылар.…
Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…