Хаартыска Чурапчы улууһун дьаһалтатыттан
Бэҕэһээ Чурапчы улууһугар көрдүүр-быыһыыр этэрээт саҥа дьиэтэ улуус салалтатын быһаччы хонтуруолунан, түөрт ый иһигэр тутуллан үлэҕэ киирдэ.
Бэлиэ тэрээһин үөрүүлээх чааһыгар СӨ гражданскай оборонатын уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков, СӨ быыһыыр сулууспатын салайааччыта Иннокентий Андросов, Тааттатааҕы көрдүүр-быыһыыр этэрээт салайааччыта Павел Попов, о.д.а. кэлэн кытыннылар, эҕэрдэлээтилэр диэн Чурапчы улууһун дьаһалтатын пресс-сулууспата иһитиннэрэр.
Бу түөрт ый эттэххэ дөбөҥ, Николай Терютин салайааччылаах быыһыыр этэрээт хорсун-хоодуот байыастара, саас муус устар ыйтан саҕалаан, күһүн балаҕан ыйыгар диэри Чурапчы, Хадаар, Мындаҕаайы, Мырыла нэһилиэктэригэр уонна Таатта улууһугар сүппүт дьону көрдөөһүҥҥэ, Томпо, Абый улуустарыгар ойуур баһаарын умуруорууга түүннэри-күнүстэри үлэлээбиттэрэ. Уолаттар чэпчэкитэ суох суһал үлэлэрин таһынан быыс-арыт булан, бу дьиэни бэйэлэрэ туттулар.
«Бу кинилэр чахчы түмсүүлээхтэрин, дьон-норуот туһугар сыраларын- сылбаларын аныыр дьиҥ патриот дьон буолалларын бэлиэтиир. Саҥа дьиэҕэ киирэн, үлэлэрэ өссө таһаарыылаах, ситиһилээх буоларыгар баҕарабын», — диэн Чурапчы баһылыга Степан Саргыдаев эттэ.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …