Хаартыска А.Слепцов тиксэриитэ
Чурапчыга А.И.Федотов аатынан спорт киинигэр ССРС спордун маастарыгар кандидат, РФ Ыксаллаах быһыыга- майгыга министиэристибэтин «За отличие в службе» мэтээлинэн, «Ликвидатор ЧС» анал бэлиэнэн наҕараадаламмыт Федот Спартакович Слепцов аатыгар оҕолорго көҥүл тустууга өрөспүүбүлүкэтээҕи аһаҕас турнир буолла.
Федот Спартакович кэргэнэ Александра Николаевна, ийэтэ, үлэ бэтэрээнэ, «Ийэҕэ Албан аат» бочуоттаах бэлиэ хаһаайката Лидия Федотовна, аҕата, Саха Өрөспүүбүлүкэтин Бочуоттаах бэтэрээнэ, Чурапчы улууһун, Чурапчы нэһилиэгин Бочуоттаах гражданина Спартак Григорьевич Слепцовтар бочуоттаах ыалдьыт быһыытынан ыҥырыллан ыалдьыттаатылар. Күрэхтэһиини үөрүүлээхтик аһыыга улуус дьокутааттарын сэбиэтин бэрэссэдээтэлэ, бииргэ үөскээбит доҕоро Афанасий Захаров, Чурапчы нэһилиэгин баһылыга Владимир Сивцев, тириэньэрэ Семен Макаров, улуустааҕы тустуу федерациятын бэрэссэдээтэлин солбуйааччы Александр Неустроев, Федот Спартакович кэргэнэ Александра Слепцова эҕэрдэ тыл эттилэр.
Барыта 50 спортсмен кытынна. Сытыы киириилээх-тахсыылаах, элбэх күлүмэх бырахсыылардаах хапсыһыылар буолан, саала иһэ ньиргийэн олордо. Түмүккэ 27 кг Еремей Платонов (Амма), 32 кг Сандал Ягодин (Амма), 45 кг Сайаан Никифоров (Чурапчы), 45 кг үөһээ 60 кг диэри Слава Окороков (Амма) бастаатылар. Чөмпүйүөннэргэ, бириистээх миэстэни ылбыттарга мэтээллэр кэтэрдилиннилэр,грамоталар туттарылыннылар. Анал бириистэр олохтонон бэриллибиттэрэ эдэр тустууктары үөртэ, инникитин өссө үрдүк кирбиилэри ситиһэллэригэр эрэли үөскэттэ. Маны сэргэ, «Саамай эдэр тустуукка», «Кыайыыга дьулуурун иһин», «Бастыҥ хапсыһыы», о.д.а. анал бириистэр туттарылыннылар. Маннык күрэхтэһии өрөспүүбүлүкэҕэ инникитин эдэр бөҕөстөр үүнэн-сайдан тахсалларыгар көмөлөөх.
Алексей Слепцов,
Чурапчы.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…