Чурапчыга саастаахтарга — сайыҥҥы лааҕыр

СӨ Үлэ уонна социальнай сайдыы министиэристибэтин иһинэн үлэлиир «Победа» социальнай харысхал Ресурснай киинэ саастаах дьоҥҥо анаан араас ис хоһоонноох үлэни ыытар.

От ыйын 7 күнүгэр, Чурапчытааҕы Судаарыстыбаннай физическэй култуура уонна успуорт институтун баазатыгар 60-тан үөһэ саастаах дьоҥҥо аналлаах өрөспүүбүлүкэтээҕи «Үрүҥ көмүс сынньалаҥ» («Серебряные каникулы») диэн лааҕыр аһылынна. Манна 17 улуустан үлэ бэтэрээннэрэ алта күн сынньаныахтара, доруобуйаларын туругун тупсарыахтара. Сынньалаҥ кэмигэр Мындаҕаайы Күөх хочотугар, Хатылыга Көһөрүллүү мусуойугар сылдьыахтара. Бу лааҕыр туһунан сиһилии «Саҥа олох» хаһыат саайтыгар ааҕыахха сөп.