Арассыыйаҕа суоппардар күннэрэ алтынньы бүтэһик өрөбүлүгэр бэлиэтэнэр. Быйыл алтынньы 30 күнүгэр түбэһэр. Ол чэрчитинэн бүгүн Чурапчыга «Айылгы» норуот айымньытын дьиэтигэр массыынаны сөбүлээччилэри идэлээх бырааһынньыктарынан эҕэрдэлээтилэр.
Салгыы улуус дьаһалтата наҕараадалары туттарда: III-с истиэпэннээх «Оройуон иннигэр үтүөлэрин иһин» бочуоттаах бэлиэни «Дорожник» ХЭТ дириэктэрэ Гаврил Владимировка, урбаанньыт Василий Дьячковскайга, «Туйгун бэлиэ» СӨ тырааныспарын бочуоттаах үлэһитэ Евдокия Ноеваҕа, «Дорожник» ХЭТ дириэктэрин солбуйааччы Спартак Пахомовка, Бочуотунай грамота «Дорожник» ХЭТ суоппардарыгар Петр Пинигиҥҥэ, Василий Дмитриевкэ, «Сахаспецтранс» ХЭТ суоппардарыгар Василий Константиновка, Нарыйаан Макаровка, Гаврил Софроновка уо.д.а.
Бэлиэ түгэнинэн «СӨ Бочуотунай тырааныспар үлэһитэ» норуот бэлиэтинэн Чурапчы нэһилиэгин урбаанньыта Алексей Макаров, «Саха АССР 100 сыла» үбүлүөйдээх бэлиэнэн улуус суоппардарын түмсүүтүн салайааччыта Николай Пономарев наҕараадаланнылар.
«Дьон олоҕор-дьаһаҕар суолталаах араас табаардары, матырыйааллары, аһы-үөлү таһыыга суоппардар үлэлэрэ ураты суолталаах. Кинилэр дьаныардаахтык үлэлээн, кыһыннары-сайыннары, күн-дьыл күнүттэн тутуллубакка таһаҕастар туһааннаах миэстэлэригэр тиийэллэр. Ыарахан үлэлээх суоппардарга махтанабыт. Нэһилиэк сайдар буоллаҕына улуус, өрөспүүбүлүкэ, дойду сайдар«, — диэн Чурапчы нэһилиэгин баһылыга Владимир Сивцев эҕэрдэлээтэ.Тимир көлөлөөхтөргө эҕэрдэ, махтал суруктары туттарда.
Унньуктаах уһун айаны тулуйан үлэлиир суоппардарга көнө суолу, сымнаҕас айаны!
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…