«Цифровые решения» пуорум түмүктэрэ

Москваҕа сэтинньи 12-15 күннэригэр «Россия» национальнай пааркаҕа «Цифровые решения» ИТ-пуорум буолан ааста. Манна Арассыыйа экэниэмикэтин үрдүкү технологиялаах хайысхалара бары биир былаһааккаҕа түмүстүлэр. Түөрт күн устата 15 тыһ. киһи сырытта, сүүсчэ сессиянан 700 спикер кытынна, онлайн-көрөөччүлэргэ 110 чаас усталаах контент оҥоһулунна.

Тэрээһин дьыалабыай бырагырааматын аһыллыытыгар РФ Бырабыыталыстыбатын бэрэссэдээтэлэ Михаил Мишустин кытынна. Кини Арассыыйа экэниэмикэтин сайдыытыгар ИТ-хайысха оруола суолталааҕын, ааспыт биэс сыл устата индустрия сайдыыта икки төгүл тэтимирбитин бэлиэтээтэ.

Түөрт күн устата араас дискуссиялар, ИТ-эйгэ соруктарын ырытыылар ыытылыннылар, итиэннэ бастыҥ эрэгийиэннэри наҕараадалаатылар.

Бу пуорум сыллата ыытыллара былааннанар.

Пуорум саайта: форумцифровыерешения.рф

Сиһилии: https://www.sakha.gov.ru/news/15569