Цииркэ артыыстара аан дойдутааҕы бэстибээлгэ бэлэмнэнэллэр

Атырдьах ыйын 26-27 күннэригэр Казахстаҥҥа Алмата цииркэтигэр «ALMATY CIRCUS FЕSTIVAL» диэн Цииркэ ускуустубатын аан дойдутааҕы I бэстибээлэ буолуоҕа.

Бэстибээлгэ 15 дойдуттан: Кытайтан, Болгарияттан, Белоруссияттан, Вьетнамтан, Арассыыйаттан, Казахстантан, Узбекистантан, Таджикистантан, Саха сириттэн, Эфиопияттан уо.д.а сиртэн цииркэ сүрүн артыыстара мустуохтара.

Саха сириттэн Марфа уонна Сергей Расторгуевтар ааттарынан Саха сирин судаарыстыбаннай цииркэтиттэн  «TRIO жонглеров»: Михаил Мохотчунов, Дьулустан Гоголев уонна нүөмэри салайааччы  Роман Романов кыттыахтара.