Хаартыска: Наталья Слепцова тиксэриитэ.
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар араас саҥа тутуулары, пааматынньыктары туруордулар.
Дьааҥы улууһун Сартаҥ нэһилиэгэр Кыайыы болуоссатыгар Аҕа дойду сэриитигэр Улуу Кыайыы 80 сыллаах өрөгөйдөөх үбүлүөйүн көрсө «Ийэ дойду ыҥырар!” (“Родина-Мать зовёт!») монумены оҥорторбуттара.
Бу пааматынньыгы Сартаҥ олохтоохторо Улуу Кыайыы күнүгэр үөрүүлээх быһыыга-майгыга арыйдылар.
— Быйылгы сылы Ил Дархан Айсен Николаев Саха сиригэр Ийэ дойдуну көмүскээччи сылынан биллэрбитэ. Бу пааматынньыгы оҥорторорго нэһилиэк дьокутааттарын сиэссийэтигэр быһаарбыппыт. Монумент — Волгоград куорат Мамаев курганыгар турар пааматынньык аччатыллыбыт куоппуйата. Кыайыы 80 сылын официальнай логотибар сөп түбэһиннэрэн оҥорторбуппут. Пааматынньык ааптарыгар, Уус Алдан улууһун олохтооҕо, скульптор Геннадий Оллоновка махталбыт муҥура суох. Киниэхэ бу иннинэ Саха атыгар анаммыт пааматынньыгы оҥорторбуппут. Скульптор кулун тутарга Сартаҥҥа кэлэн, ыйтан ордук үлэлээбитэ. Онон 4, 5 м үрдүктээх бетон пааматынньык Улуу Кыайыы 80 сылын Дьааҥы Сартаҥар үйэтиллэн, ыччат дьон киэн туттуутунан буолла, — диэн санаатын үллэһиннэ Сартаҥ нэһилиэгин баһылыга Наталья Слепцова.
Бэҕэһээ, сэтинньи 29 күнүгэр, Тамерлан Романович Иванов аатынан «Кэскил» култуура киинигэр Арассыыйаҕа “Аҕа дойдуну көмүскээччи”,…
Инсульт Арассыыйаҕа эрэ буолбакка, аан дойдуга барытыгар инники миэстэҕэ сылдьар ыарыынан биллэр. Невролог, гериатр-быраас Полина…
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…