Дьааҥы улууһугар кураанах оту уматыы баһаарга тиэрдибит

Дьааҥы улууһугар баһаар кутталлаах балаһыанньатын туһунан боппуруос Дмитрий Садовников бэрэссэдээтэллээх ойууру баһаартан харыстыыр суһал ыстаап бастакы мунньаҕар сүрүн тиэмэнэн буолла.

Улуус балаһыанньатын бэрэссэдээтэли бастакы солбуйааччы киритиичэскэйгэ чугаһыыр диэн эттэ итиэннэ улуус таһымнаах ыксаллаах быһыы-майгы эрэсиимин биллэриини көрөллөрүгэр эттэ.

Бу төрүөтэ – кураанах оту уматыы. Уот тыа хаһаайыстыбатын сирдэриттэн кэлимсэ ойуурга тахсыбыт. Сокуоннайа суох өртөөһүн Дьааҥы улууһун хас нэһилиэнньэлээх пуунугар бэлиэтэнэр.  Уоту утары охсуһааччылары таһынан, Дьокуускайтан миэстэтигэр кэтээн көрөр уорган исписэлиистэрэ көттүлэр.

Дьааҥы улууһугар барыта 13 ойуур баһаара баар, баһаары утары ураты эрэсиим биллэрилиннэ. Ону таһынан, Эбээн Бытантай улууһугар эмиэ өртөөһүнтэн барбыт биир ойуур баһаара бэлиэтэммит.

Уоту утары охсуһааччылар бырааһынньык күннэригэр уонна өрөбүллэргэ номнуо 4,5 тыһ. гектар иэннээх 13 ойуур баһаарын умуруорбуттар.

Бу туһунан Ил Дархан уонна Бырабыыталыстыба пресс-сулууспата иһитиннэрэр.