Дьааҥыга баһаарга эр киһи өлүгэ көһүннэ

Ааспыт сууккаҕа Саха сиригэр 9 буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр.

Горнай улууһугар эр киһини өлөрдүлэр, 1965 с.т. уорбаланааччыны быһаардылар. Дьокуускайга дьахтар доруобуйатын улаханнык эчэттилэр, 1982 с.т. эр киһи уорбаланар.

Киин куоракка 800 тыһ. солк. түөкүннэргэ албыннаппыттара билиннэ. Мэҥэ Хаҥаласка суоппар итирэн баран иккистээн уруулга олорон тутулунна.

Ленскэйгэ Рабочай уул. 1975 с.т. эр киһи 6-с этээстэн ыстаммыт. Быһылаан тула бэрэбиэркэ барар.

Суукка иһигэр 11 техногеннай баһаар буолбут. Дьааҥы улууһугар «Хатыҥнаах» учаастакка чааһынай дьиэ умайбыт, онно 1989 с.т. эр киһи өлүгэ көстүбүт.

Киһи өлүүлээх суол быһылаана бэлиэтэммэтэх.