Дьааҥыга эдэр исписэлиистэргэ өрөмүөннэммит кыбартыыралар күлүүстэрин туттардылар
09.09.2024, 10:00
Хаартыска: «Вести Верхоянья» хаһыат
Бөлөххө киир:
Дьааҥы улууһун Мачах сэлиэнньэтигэр быраҕыллыбыт кыбартыыралары өрөмүөннээн, эдэр исписэлиистэргэ күлүүстэрин туттардылар.
Саҥа хаһаайыттарга күлүүстэри туттарыы тэрээһинэн ааспыт бээтинсэҕэ ыытылынна. Олорор дьиэ өрөмүөнэ улуус (70%) уонна нэһилиэк (30%) бүддьүөттэрин суотугар оҥоһулунна. Бабушкина нэһилиэк дьаһалтатын исписэлииһэ Лидия Аммосова этэринэн, кыбыртыыралар киһи билбэт гына уларыйдылар. Бу туһунан «Вести Верхоянья» хаһыат суруйар.
Дьааҥы улууһун үгүс дэриэбинэлэригэр маннык түөрт кыбартыыралаах дьиэ элбэх. Икки кыбартыыраҕа дьон олорбуттар, оттон иккитэ өр кэмҥэ кураанах турбут. Кылгас хотугу сир сайыныгар кыбартыыраларга саҥа муоста ууруллубут уонна ититии систиэмэтэ тардыллыбыт, саҥа түннүктэр туруоруллубуттар, тас эркинэ саҥардыллыбыт. Иһигэр аныгылыы өрөмүөн оҥорбуттар. Кыбартыыраларга Мачах начаалынай оскуолатын икки эдэр учуутала Юлия Божедонова уонна Ия Христофорова киирбиттэр.
+1
2
+1
+1
+1
+1
+1
+1
Сообщить об опечатке
Текст, который будет отправлен нашим редакторам: