Хаартыска: Анна Стручкова тиксэриитэ.
Бу күннэргэ Дьааҥы улууһугар култуура үлэһиттэрин идэлээх сойуустарын Vlll Спартакиадата буола турар.
Бу туһунан Баатаҕай орто оскуолатын учуутала Анна Стручкова сонунун үллэһиннэ:
— Тэрээһин Арассыыйаҕа Аҕа дойдуну уонна Саха сиригэр Ийэ дойдуну көмүскээчилэр сылларыгар уонна култуура үлэһиттэрин күнүгэр ананна. Спартакиада чэрчитинэн үгэс буолбут хас да көрүҥнээх спортивнай күрэхтэһии буола турар.
Улуус 11 нэһилиэгиттэн айаннаан кэлбит култуура 77 үлэһитэ бэйэлэрин кыахтарын, дьоҕурдарын, сатабылларын көрдөрөн, эйэ-дьол, ырыа-тойук түһүлгэтигэр муһуннулар. Бука бары ох курдук оҥостон, тэринэн кэлбиттэрэ, ис дууһаларыттан бэлэмнэммиттэрэ тута дьон болҕомтотун тарта.
Култуура эйгэтин үлэһиттэрэ байыаннай дьайыыга кытта сылдьар уолаттарбытыгар аһымал кэнсиэри тэрийдилэр. Эйэлээх халлааннаах, сырдык күннээх ырыа-тойук, эрчимнээх үҥкүү-битии – бу барыта эйэ-дьол курдук аан дойдуга күндүттэн күндү суоҕун бигэргэттэ. Аһымал кэнсиэр түмүгэр көрөөччүлэртэн барыта төһө суумма киирбитин аһаҕастык биллэрэн, кэнсиэртэн киирбит харчы эйэлээх олоҕу туруулаһа сылдьар биир дойдулаахтарбытыгар ананарын эттилэр.
Махтал буолуохтун култуурабыт бары эйгэтин үлэһиттэригэр. Эһиги курдук талааннаах, барыга бары дьоҕурдаах, ырааҕы өтө көрөр, күннээҕи олохпутун тупсарар-сайыннарар дьоннордоох буоламмыт күн аайы, чаас аайы үүнэ-сайда турдахпыт.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…