Араас быһылааннар, хомойуох иһин, буолуталаан соһуталлар. Быйыл алтынньыга Дьокуускай куоракка дьахталларга эр киһи саба түспүтүн туһунан сонун тилийэ көппүтэ.
Буруйдааҕы туппуттара уонна бу күннэргэ Холуобунай дьыалата түмүктэммит. Дьокуускайга уулуссаҕа кыыска саба түспүт эр киһини өй-санаа, уйулҕа өттүнэн кэһиллиилээх диэн быһаарбыттар уонна психическэй диспансерга күһэлэҥ эмтэниигэ ыытыахтара. Эр киһи быйыл алтынньы 11 күнүгэр 21 саастаах кыыска саба түспүтэ. Дьон түбэһэ кэлэн өрүһүйбүттэрэ. Кыыс тута полицияҕа үҥсүбүтэ. Буруйданааччы кыыска кэнниттэн кэлэн үрдүгэр түспүт. Ити кэнниттэн өр-өтөр буолбакка, ол киһийдэх Орджоникидзе болуоссатын эргин эмиэ биир дьахтары буулаабыт. Дьахтар бэйэтин көмүскэммит уонна ол киһини хаартыскаҕа түһэрбит. Хаартыска көмөтүнэн буруйу оҥорооччу кимэ-туга тута биллибит. Ол курдук, 38 саастаах, эрдэ сууттана сылдьыбыт киһи эбит.
«Силиэстийэ кэмигэр эр киһи буруйу оҥорор кэмигэр уйулҕа өттүнэн өйө хамсаан тугу оҥорорун өйдөөбөтө быһаарыллыбыт. Эр киһи бэйэтигэр уонна атын дьоҥҥо кутталы үөскэтэринэн сибээстээн, анал эмтэниини ааһыахтааҕа быһаарылынна», — диэн Саха сирин Силиэстийэлиир кэмитиэтэ быһаарар.
Тустаах мэдиссиинискэй миэрэни ыларга Холуобунай дьыала матырыйааллара суут көрүүтүгэр ыытыллыбыт.
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…