Дьахтар күнүгэр хас күн өрүүбүт?

Нэдиэлэҕэ биэс күн үлэлиир дьон, кэлэр нэдиэлэҕэ түөрт күн үлэлиэхтэрэ. Онтон атын кыраапыктаахтар хайдах өрүүргүтүн үлэ биэрээччиттэн чопчулаһаргыт ирдэнэр.

Ол курдук, Аан дойдутааҕы дьахтар күнүнэн сибээстээн, Арассыыйа олохтоохторо үс күн субуруччу сынньаныахпыт: кулун тутар 8, 9 уонна 10 күннэригэр (бээтинсэттэн өрөбүлгэ диэри). РФ Үлэҕэ Кодексатын 95-с ыст. олоҕуран, бырааһынньык иннинээҕи үлэ күнүгэр эбэтэр симиэнэҕэ үлэ бириэмэтэ биир чаас кылгаан биэрэр. Симиэнэни кылгатар кыаллыбат түгэнигэр, ордук үлэниллибити эбии сынньалаҥ бириэмэтинэн толуйаллар эбэтэр харчынан төлүүллэр.

Үлэҕэ бэнидиэнньиккэ, кулун тутар 11 күнүгэр тахсабыт.