Хаартыска: СИА.
Бу нэдиэлэҕэ өрөспүүбүлүкэ сиригэр-уотугар циклоннар кэлэннэр, ардахтаах күннэр тураллара сабаҕаланар. Саха сирин хотугулуу-арҕаа өттүгэр инчэҕэй хаардаах ардах түһүөҕэ. Дьокуускайдааҕы гидро-метео ыстаансыйа управлениетын күнү-дьылы сабаҕалыыр отделын начаалынньыгын э.т. Наталья Ковалева эппитинэн, бу нэдиэлэ бүтүөр диэри «дьахтар сайына» буолбат.
— Биһиэхэ «дьахтар сайына» диэн ааттанар сылыйыы сэдэхтик буолар. Ааспыт баскыһыанньаҕа биир эрэ күн киин уонна Бүлүү бөлөх улуустарыгар сылыйбыта, күн чаҕылыччы тыкпыта. Билигин өрөспүүбүлүкэ киин уонна соҕурууҥҥу өттүгэр Забайкальеттан циклон кэллэ. Онон бу нэдиэлэ устата былыттаах халлаан туруоҕа, сорох сиринэн ардыаҕа. Ол эрээри, салгын кыраадыһа нуорма иһинэн, сылаас, сороҕор күн көрөн да ылыаҕа. Балаҕан ыйын 10 күнүгэр Дьокуускайга киэһэлик ардыыра күүтүллэр. Сэрэдэҕэ киин улуустарга эмиэ ардахтаах күн буолуоҕа. Нэдиэлэ устата циклон Магадаан уобалаһын диэки сыҕарыйыаҕа, — диэн синоптик СИА-ҕа кэпсээтэ.
Балаҕан ыйын 11 күнүгэр өрөспүүбүлүкэ арҕаа, соҕуруу, илин өттүгэр уонна киин улуустарга кыралаан ардыаҕа. Нэдиэлэ бүтэһигин диэки күн-дьыл туруга өссө мөлтүөн сөп диэн Наталья Ковалева иһитиннэрэр.
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…