«Далбар Хотун» 30 сылыгар анаммыт быыстапка кэрэхсэбили ылла

Share

«Далбар Хотун» 30 сылыгар анаммыт быыстапка дьон-сэргэ болҕомтотун тарта.

Хаартыскаҕа Юлия Пестрякова түһэриитэ

Быйыл «Далбар Хотун» сурунаал төрүттэммитэ 30 сылын туолар. Сурунаал 30 сыллаах үбүлүөйэ дойдуга биллэриллибит Дьиэ кэргэн сылыгар түбэспитэ ураты суолталаах.
Бастакы бэрисидьиэммит Михаил Николаев түһүүлээх-тахсыылаах 1990-с сылларга олох төрдө дьиэ кэргэн буоларын өйдөөн, 1994 сылы өрөспүүбүлүкэҕэ Дьиэ кэргэн сылынан биллэрбитэ. Ол сыл кулун тутар ыйыгар ийэлэри, эбээлэри, эдьиийдэри, балыстары уруйдуур «Далбар Хотун» сурунаал норуодунай суруйааччы Наталья Харлампьева эрэдээктэрдээх күн сирин көрбүтэ. Сурунаал тута ааҕааччыларга сөбүлэтэн, өрөспүүбүлүкэ бары муннуктарыгар күүтүүлээх ыалдьытынан буолбута . Өрөспүүбүлүкэ уопсастыбаннай олоҕор биллэр-көстөр дьахталлар, күн-күбэй ийэлэр, эбээлэр, кэрэ кыргыттар, ону кытта аҕа баһылыктар туһунан сэргэх матырыйааллар бииртэн-биир тахсыталаан барбыттара.
Кулун тутар 1 күнүгэр «Олох ойуута» диэн Комдрагмет дьиэтин 2 мэндиэмэнигэр “Далбар Хотун” сурунаал 30 сыллаах үбүлүөйүгэр анаммыт 30 сыллаах айымньылаах үлэтин кэпсиир быыстапканы үөрүүлээх быһыыга-майгыга астылар.

Хаартыскаҕа Юлия Пестрякова түһэриитэ

Быыстапканы үөрүүлээхтик арыйыыга «Далбар Хотун» бастакы эрэдээктэрэ, норуодунай суруйааччы Наталья Харлампьева, «Сахабэчээт» генеральнай дириэктэрэ Ньургуйаана Стручкова, сурунаал сирэйигэр тахсыбыт дьоруойдар кэлэн эҕэрдэлэринэн кыттыстылар.
«Өрөспүүбүлүкэ былааһын үрдүк таһымыгар туруорсан, киһи аймах кэрэ аҥарыгар анаммыт сурунаал тахсарын ситиспиппит. Оччолорго мин Саха өрөспүүбүлүкэтин бырабыыталыстыбатын солбуйааччынан олорбутум. Бастакы эрэдээктэринэн Наталья Ивановна Харлампьева ананан, сурунаал өрөспүүбүлүкэ олоҕун дьахтар үлэтин-хамнаһын, тапталын нөҥүө көрдөрөн, бэрт үчүгэйдик бэчээккэ тахсан барбыта», – диэн Альбина Поисеева санаатын үллэһиннэ.
Быыстапканы үөрүүлээхтик арыйыыга сурунаал дьоруойдара эҕэрдэлии кэллилэр. Олор ортолоругар, 1990-с сылларга Саха сирин бэлиитикэтин уонна уопсастыбаннай олоҕор бэлиэ суолу хаалларбыт Ульяна Винокурова, Люлия Григорьева, Валентина Кириллина, култуура үтүөлээхтэрэ Анегина Ильина, кинилэри сырдаппыт бастакы ааптардар уонна да атыттар истиҥ эҕэрдэлэрин тиэртилэр.

Хаартыскаҕа Юлия Пестрякова түһэриитэ

Быыстапкаҕа 1994 сылтан тахсыбыт матырыйааллар хаартысканан көрдөрүлүннүлэр. Маныаха бэлиэтиир наада, хас биирдии хартыына куйаар куоттаах, онон киирэн сурунаалга тахсыбыт матырыйаалы сиһилии ааҕаҕыҥ.

Хаартыскаларга Юлия Пестрякова түһэриитэ

Сардаана Кузьмина

Хаартыскаларга Юлия Пестрякова түһэриитэ.

Recent Posts

  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

18 минут ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

48 минут ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

1 час ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

2 часа ago
  • Сонуннар
  • Сүрүн

Балаҕан ыйын 1 күнүттэн устудьуоннар истипиэндьиэлэрин кээмэйэ үрдүүр

Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…

2 часа ago
  • Сонуннар
  • Уопсастыба

Дьокуускайга Орджоникидзе болуоссакка фонтан хапытаалынай өрөмүөнэ түмүктэннэ

Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…

3 часа ago