Ульяна Захарова хаартыскаҕа түһэриитэ
Бу соторутааҕыта, муус устар 14 күнүгэр, Усуйаана оройуонун Депутатскай бөһүөлэгэр оскуола таһыгар сылдьар оҕолортон биирдэстэригэр хаһаайыннаах ыт саба түспүт. ИДьМ Усуйаанатааҕы салаата иһитиннэрбитинэн, оҕолор оскуола таһыгар оонньуу сылдьыбыттар.
Кинилэртэн чугас дьахтар ытын күүлэйдэтэ сылдьыбыт. Ханнык эрэ кэмҥэ иччитин кытта быалаах күүлэйдии сылдьыбыт ыт төлө баран, оҕоҕо ыстаммыт уонна тобугун ытырбыт. Эмсэҕэлээбит кыыска тута суһаллык мэдиссиинэ көмөтө оҥоһуллубут. Хаһаайка иһитиннэрбитинэн, ыт оҕолор улаханнык хаһыытаспыттарын сөбүлээбэккэ ыстаммыт буолуон сөп.
Бэлиэтээн суруйдахха, сыл ахсын бэйдиэ сылдьар, ону сэргэ хаһаайыннаах ыттартан дьон-сэргэ эмсэҕэлиир. Аҕыйах хонуктааҕыта Оренбург куоракка аҕыс саастаах уолчааны дьиэтин таһыгар үөрүнэн ыт саба түһэн өлөрбүт ынырык сураҕа тарҕанна. Дьокуускайга маннык иэдээннээх быһылаан 2021 сыл кыһыныгар буолбута.
Соторутааҕыта Строительнай уокурукка хаһаайыннаах ыт оҕону ытырбыта. Маннык быһылааннар сайдыылаах, аныгы кэмҥэ хатыланыа суохтаахтар. Куорат уулуссаларыгар, дьиэлэр, оскуола, уһуйаан тиэргэннэригэр оҕо-аймах холкутук, көҥүл сылдьыахтаах.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…