Саха сиригэр дьиэ кэргэн чилиэнин орто дохуота тиийинэн олорор кээмэйтэн кыра дохуоттаах ыалларга биир кэлим төлөбүрдээх көмөҕө анал бырагыраамалар оҥоһулуннулар.
Ол туһунан СӨ үлэҕэ уонна социальнай сайдыыга миниистири солбуйааччы Елена Теплякова тохсунньу 24 күнүгэр брифиҥҥэ иһитиннэрдэ.
«Арассыыйа социальнай пуондатын эрэгийиэннээҕи отделениетын суһал чахчыларынан, Саха сиригэр 2023 сыл тохсунньу 21 күнүнээҕи туругунан, биир кэлим төлөбүрү ыларга 22 261 сайабылыанньа киирбититтэн 5 484 сайабылыанньаҕа сөбүлэҥ бэрилиннэ. Анал бырагыраамаҕа оҕону сайыннарыыны, социальнай хантараак көмөтүнэн ыытыллыбыт тэрээһиннэри кытта сибээстээх ороскуоттарга көмө киирэллэр. Бу бырагырааманан олох-дьаһах ыарахан балаһыанньатыгар түбэспит, онуоха социальнай көмүскэл уорганнарын көмөтүгэр наадыйар дьиэ кэргэттэр туһаналлар. Хардарыта эбэһээтэлистибэлэр социальнай көмүскэл уонна дьиэ кэргэн өттүттэн бииргэ үлэлээһини көрөллөр”, — диэтэ миниистири солбуйааччы.
2023 сылга Ил Дархан Айсен Николаев сорудаҕынан социальнай хантараактары олоххо киллэрии иһин (үлэни көрдүүр хайысхалар, биирдиилээн урбаан, тус хаһаайыстыбаны тэрийии) өйөбүл аадырыстаммыт бырагыраамаларыгар 1 миллиартан итэҕэһэ суох сууманы ыытарга былаанныыллар.
(СӨ баһылыгын уонна бырабыыталыстыбатын пресс-сулууспатын матырыйаалларынан)
М.К. Аммосов аатынан ХИФУ Олоҥхо института биэс туомнаах Олоҥхо энциклопедиятын бэлэмнээн таһаарыыга үлэтин саҕалаата. Маҥнайгы…
Амматааҕы коррекционнай оскуола үөрэнээччилэрэ "Амма айылҕатын харыстыыбыт" аахсыйа иитинэн 12 киилэ хаппаҕы хомуйдулар диэн "Экология…
Сэбиэскэй Сойуус Дьоруойдарын ааттарын сүгэр түмэллэр Томпо улууһугар Кириэс Халдьаайыга уонна Мэҥэ Хаҥалас улууһугар Баатараҕа…
Бэйэ дьыалатын тэриниэн баҕалаахтарга социальнай хантараак өҥөтө баар. Бу өҥөнөн туһанан улуустарга, куораттарга дьон бэйэ…
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…