Хаартыска: үлэ, социальнай сайдыы министиэристибэтэ.
Дьиэ кэргэн сылыгар Арассыыйа бары эрэгийиэннэригэр ыам ыйыттан балаҕан ыйыгар диэри «Большие семейные выходные» диэн аахсыйа ыытыллар. Бэс ыйын 1-2 күннэригэр Дьокуускайга, Үөһээ Дьааҥы, Ленскэй, Муома улуустарыгар көхтөөхтүк ыытылынна.
Бу ааспыт өрөбүл күннэргэ Дьокуускай куорат дьаһалтата уонна Үлэҕэ, социальнай сайдыыга министиэристибэтэ дьиэ кэргэттэргэ бэртээхэй бырааһынньыгы тэрийдилэр. Араас күрэстэр, оонньуулар, аттракционнар ыытылыннылар.
Саамай көхтөөхтүк «Мама, папа и я — спортивная семья» күрэхтэһии буолла. Манна 2014-2015 сылларга төрөөбүт оҕолоох дьиэ кэргэттэр кытыннылар.
Күрэхтэһии түмүгүнэн, 1-кы миэстэни — Захаровтар, 2-с миэстэни — Корякиннар, 3-с миэстэни — Даниловтар ыллылар. Кыайбыттарга бириистэрэ да бэртээхэй буолла. Захаровтар бэлисипиэт, Корякиннар мультиварка, Даниловтар салгыны сиигирдэр тэрили тутан үөрдүлэр-көттүлэр.
Онтон Хатаска Панаев аатынан бибилэтиэкэ былаһааккатыгар «ИНВА-ИГРОТЕКА»диэн оонньуу тэрилиннэ. Бу чэрчитинэн, араас куонкурустар, маастар-кылаастар, оонньуулар ыытылыннылар.
Ленскэй оройуон ыччакка управлениета дьиэ кэргэттэргэ интэриэһинэй квест оонньууну уонна хаартысканан күрэһи тэрийэн ыытта. Дьиэ кэргэттэр бары биир фотозонаны кырааскалаан, хаартыскаҕа түстүлэр, умнуллубат күнү атаардылар.
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…