Дириэксийэ: Өлүөнэ муостатын тутуу кыраапыктан хаалбат

Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.

“Арассыыйаҕа ураты коффердамнарынан тирэхтэри туруоруу технологиятын туһаналлар. Онон  бырайыагы олоххо киллэрии кыраапыга тутуһуллар, үлэҕэ киллэрии болдьоҕо уларыйбат”, — диэтэ Өлүөнэ муостатын тутууга дириэксийэ дириэктэрэ Артем Артемьев.

Хаҥас кытылга бастакы тирэх ростверкатын бетоннааһын түмүктэннэ. 5 уонна 6 нүөмэрдээх тирэхтэр ноҕоруусканы тулуйаларын көрдөрдүлэр.

Технологическай былаһааккаҕа 9 №-дээх тирэххэ коффердам элеменнэрин хомуйуу салҕанар. Бу саамай бөдөҥнөрө буолар. Бу диаметра 46 миэтэрэ, уһуна 17 м куоһарар, ыйааһына –2, 8 тыһ. туонна.

Арҕаа кытылга иккис үүттүүр установканы үлэҕэ киллэрдилэр. Бу тэҥинэн үүттүүр кыаҕы биэриэҕэ уонна тирэхтэри тутууну тэтимирдиэҕэ. Манна хайы-үйэ бастакы буронабивной сыбаайалар тутулуннулар.

Тутууга 240 киһи уонна 70 тиэхиньикэ үлэлиир. Саха Өрөспүүбүлүкэтигэр регистрацияламмыт тутар тэрилтэлэр үгүс үлэни толороллор. Онон олохтоох хампаанньалар уонна исписэлиистэр эрэгийиэн дьоһун суолталаах бырайыагар үлэлир кыахтаннылар.

Өлүөнэ муостатын тутуу – Уһук Илин уонна Арассыыйа биир бөдөҥ инфраструктураҕа бырайыага. Концедент – Саха өрөспүүбүлүкэтэ. “ВИС” бөлөх концессионерынан уонна генеральнай бэдэрээтчитинэн буолар.

Сонуну манна ааҕыҥ: https://t.me/mintrans_sakha