Дмитрий Чернышенко ХИФУ сайдыытын бырайыактарын билистэ

Share

Арассыыйа Федерациятын бырабыыталыстыбатын бэрэссэдээтэлин солбуйааччы Дмитрий Чернышенко Саха сиригэр оробуочай сырыытын чэрчитинэн М.К.Аммосов аатынан Хотугулуу-Илиҥҥи федеральнай университекка сырытта. Киниэхэ үрдүк үөрэх кыһатын сайдыытын бырайыактарын билиһиннэрдилэр.

Тэрээһиҥҥэ Ил Дархан Айсен Николаев кытынна. Университет сайдыытын уонна наукаҕа бырайыактарын туһунан ХИФУ ректорын э.т. Анатолий Николаев кэпсээтэ.
Билигин өрөспүүбүлүкэ «Аныгы кампустар ситимнэрин тэрийии» федеральнай бырайыак чэрчитинэн куонкуруска кыттарга бэлэмнэнэр.
Саха сирин «суперкампуһун» уратытынан орто үөрэх тэрилтэлэрин каадырдары тиһигин быспакка бэлэмнээһин уопсай систиэмэтигэр киллэрии буолуоҕа. Бырайыагы 10,5 га иэҥҥэ олоххо киллэрии былааннанар, эбийиэктэр уопсай иэннэрэ — 132 тыһыынча кв.м.
«Саха сирин салалтата Хотугулуу-Илиҥҥи федеральнай университеты өйүүр уонна үрдүк үөрэх кыһатын базатыгар аан дойду таһымнаах кампус баар буоларыгар интэриэстээх. Талааннаах ыччат бэйэтин эрэгийиэниттэн ханна да барбакка эрэ науканан дьарыктанар уонна билиини ылар кыахтаныаҕа. Саха сирэ бу киэҥ хабааннаах федеральнай бырайыак сорҕотунан буоларыгар эрэнэбит», – диэтэ Арассыыйа бырабыыталыстыбатын вице-премьерэ.
«Үрдүк үөрэх кыһаларын икки ардыларынааҕы кампуһу тэрийии эрэгийиэн экэниэмикэтин креативнай специализациятын учуоттаан үөрэҕириини сайыннарыыга дьоһун суолталаах. Бырайыак Арассыыйа бэрэсидьиэнэ өйөөбүт Дьокуускай куорат маастар-былаанын сорҕотунан буолар. Бу —  идэлээх каадырдары бэлэмнииргэ үрдүк технологиялаах научнай-үөрэх эйгэтин тэрийэргэ туһуламмыт, дойду хотугулуу-илиҥҥи  өттүгэр соҕотох кампуһунан буолуоҕа», – диэтэ Ил Дархан.
Ыалдьыттарга «Регион для молодых» бырагыраама көҕүлээһиннэрин уонна «Север» НОЦ чэрчитинэн бырайыактары билиһиннэрдилэр. Ити бырайыактар ортолоругар «Арктика матырыйааллара уонна технологиялара», «Хотугу сир тыыннаах систиэмэлэрэ», «Технологии сохранения языкового и культурного многообразия» курдук стратегическай хайысхалар бааллар.
2023 сыллаахха ХИФУ, Сбер уонна Саха сирин бырабыыталыстыбата ускуустубаннай интеллект салаатыгар бииргэ үлэлиир туһунан сөбүлэһиигэ илии баттаабыттара.
Дмитрий Чернышенко ону таһынан мамоны чинчийиигэ П.А.Лазарев аатынан наука лабораториятын үлэтин билистэ.

Recent Posts

  • Сонуннар
  • Чэгиэн

Балаҕан ыйыттан быраас эбээһинэһин ким толорор?

Балаҕан ыйын 1 күнүттэн биэлсэрдэр уонна акушеркалар терапевы, оҕо бырааһын уонна гинекологы солбуйаллара көҥүллэнэр диэн…

3 минуты ago
  • Быһылаан
  • Уопсастыба

Орто Халымаҕа эһэ ахсаанын хонтуруоллуур туһунан быһаарыныыны ылыннылар

Орто Халыма улууһугар эр киһиэхэ тыатааҕы саба түһүүтүнэн сибээстээн, СӨ Экологияҕа министиэристибэтэ дьон олоҕор кутталынан…

17 минут ago
  • Сонуннар

Бэтэринээрийэ управлениеларыгар массыыналары туттардылар

Бүгүн, атырдьах ыйын 29 күнүгэр, Жатай бөһүөлэгэр үөрүүлээх быһыыга-майгыга СӨ Бэтэринээрийэтин управлениеларыгар Бырабыыталыстыба бэрэссэдээтэлин солбуйааччы…

36 минут ago
  • Бэрээдэк

Тааттаҕа оскуола дириэктэрин хоруупсуйаҕа буруйдаан уураттылар

Д.А.Петров аатынан Ытык Күөл 2 №-дээх оскуолатыгар борокуруор бэрэбиэркэтэ антикоррупционнай сокуону кэһии баарын быһаарда. Кэтээн…

48 минут ago
  • Сонуннар
  • Сүрүн

Мииринэй оҕолорун ийэлэригэр төннөрдүлэр

"Оҕо дьиэтигэр барыахпын баҕарбаппын" диэн оҕо ытыыр видеота тарҕанан, бу күннэргэ оҕолор уонна ийэ дьылҕата…

1 час ago
  • Сонуннар
  • Уопсастыба

«Саха сирэ» хаһыат бүгүн тугу суруйда?

Саҥа үөрэх дьыла саҕаланара аҕыйах күн хаалла. Үөрэх үлэһиттэрин атырдьах ыйынааҕы мунньаҕар Ил Дархан Айсен…

2 часа ago