Дмитрий Давыдов «Нелегал» киинэтин ХНТ наҕараадалаата

Ахсынньы 15 күнүгэр Москваҕа Киинэ дьиэтигэр “Сталкер” диэн киһи быраабын көмүскүүр киинэлэр норуоттар икки ардыларынааҕы бэстибээллэрэ 28-с төгүлүн ыытылынна. Саха сирин режиссера Дмитрий Давыдов «Нелегал» киинэтэ бэлиэтэннэ.

Дмитрий Давыдов уһулбут «Нелегал» киинэтэ лауреаттар кэккэлэригэр ааттанна. Бу киинэ Холбоһуктаах Нациялар Тэрилтэлэрин тэскилээбит дьон дьыалаларыгар Үрдүкү комиссарын салалтатыттан (УВКБ ООН) анал бирииһи ылла.

Бэстибээлгэ 63 уус-уран уонна документальнай киинэ киирбитэ, онтон күрэскэ 58 киинэ кыттыбыта.