@suntaar_ulus
Арассыыйа уонна Донецкай Өрөспүүбүлүкэ Дьоруойа Дмитрий Егоров дойдутугар өйдөбүнньүк искибиэр өрөгөйдөөх түгэҥҥэ аһылынна.
Гвардия рядовойа, анал байыаннай дьайыыга дьоруойдуу быһыыны көрдөрбүт Дмитрий Николаевич Егоров аатын үйэтитэр уонна үүнэр көлүөнэҕэ билиһиннэрэр соруктаах үөскээбит дойдутугар Сунтаар улууһун Уһун Күөл нэһилиэгэр анал тулаһа аһылынна. Манна өйдөбүнньүк бүүс, үгүһү кэпсиир истиэндэ уонна ыалдьыттар олордубут мастара бааллар.
Тупсаҕай тулаһа оҥоһуутун дьиэ-уот коммунальнай хаһаайыстыба тэрилтэтэ иилээн-саҕалаан ыытта. Дьоруой олохтоох хочуолунайга операторынан 15 сыл устата эҥкилэ суох таһаарыылаахтык үлэлээбитэ. Онон сиэттэрэн тэрилтэ салайааччыта Виталий Чикачев өрөгөйдөөх күҥҥэ кыттыыны ылла. Манна үлэлээбит дьоҥҥо уонна бастыҥ үөрэхтээх Ян Ивановка анал стипендияны туттарда. Бу стипендия сыл ахсын баар буолуоҕа.
Маны тэҥэ, Дмитрий биһигин ыйаабыт, төрөөбүт дойдутугар Тойбохойго тигинэччи үлэлии турар, нэһилиэнньэҕэ ититиини биэрэр хочуолунай дьиэтигэр Дьоруой аатын иҥэрдилэр, мемориальнай дуосканы туруордулар.
Бу курдук олоҕу-дьаһаҕы тэрийэр, хааччыйар тэрилтэ үтүө Дьоруой аатын үйэлэргэ үйэтиттэ. Тэрээһиҥҥэ Дьоруой аҕата Николай Алексеевич Егоров уонна бииргэ төрөөбүт эдьиийэ, балыһа кыттыыны ыллылар.
Сунтаар улууһун дьаһалтатын пресс-сулууспата
«Аҕа дойдуну көмүскээччилэр» судаарыстыбаннай пуонда Саха сиринээҕи филиала Хорсунун иһин уордьан уонна Суворов мэтээлин кавалерын…
Волонтердар кылааттара сыл аайы #МЫВМЕСТЕ норуоттар икки ардыларынааҕы гражданскай пуорумҥа бэлиэтэннэ. Быйыл пуорум ахсынньы 2-5…
Дьиэ подъеһын Саҥа дьылга киэргэтиини кыбартыыра хаһаайыннарын уонна салайар хампаанньа сөбүлэҥэ суох оҥордоххо 15 тыһыынча…
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ…
«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары…
Саха сирин кыттааччылара соторутааҕыта Москва куоракка ыытыллыбыт Бүтүн Арассыыйатааҕы “Мин бастыҥ уруогум” педагог идэтин маастарыстыбатын…