Дмитрий Паньков: «Путин уопута — Арассыыйа кэскиллээх инникитин мэктиэтэ»
![](https://sakha-sire.ru/wp-content/uploads/2023/06/flag-rf-900x596.jpg)
«Биир Ньыгыл Арассыыйа» баартыйа Владимир Путины 2024 сылга буолар Арассыыйа бэрэсидьиэнин быыбарыгар өйүүрүн биллэрдэ. Москваҕа буолбут XXI сийиэскэ судаарыстыба баһылыгын дойду бар дьонун түмэр лиидэринэн ааттаатылар. Итиэннэ Арассыыйаны көмүскүүр уонна сайыннарар кыахтаах соҕотох бэлиитик диэтилэр.
Ил Түмэн норуодунай дьокутаата, СӨ Норуодунай Фронун хос бэрэссэдээтэлэ Дмитрий Паньков биэлиэтииринэн, дойдубутугар Владимир Путин курдук уопуттаах бэлитиичэскэй диэйэтэл суох: «Кини уопута Арассыыйа олохтоохторугар бу аан дойдуга уларыйа турар усулуобуйаҕа саамай бигэ тирэҕи биэрэр. Уруккуну да ылан көрөр буоллахха, Путин салалтатынан биһиги дойдубут биир сиргэ турбатаҕа, дьоһуннаахтык сайдан иһэбит».
Паньков 2019 сыллаахха Путин көҕүлээһининэн баар буолбут национальнай бырайыактар РФ сайдыытыгар көдьүүһүн бэлиэтээн эттэ. «Бу ситиктээх үлэни Владимир Владимирович салгыахтаах. Кини уопута — Арассыыйа кэскиллээх инникитин мэктиэтэ», — диэн Дмитрий Паньков эрэнэр.
Сообщить об опечатке
Текст, который будет отправлен нашим редакторам: