Егор Карпов
Кэлэр сылга буолуохтаах «Азия оҕолоро” норуоттар икки ардыларынааҕы оонньууларга бэлэмнэнии чэрчитинэн, Дьокуускай куорат успуорт тэрилтэлэригэр саҕаламмыттара ыраатта. Бэс ыйын 14 күнүгэр СӨ Бырабыытылыстыбатын бэрэссэдээтэлин бастакы солбуйааччыта Дмитрий Садовников салайааччылаах бөлөх биэс эбийиэги кэрийэн, бэлэмнэнии хайдах бара турарын кэтээн көрдүлэр.
Бэрэбиэркэ сүрүннээн куттал суох буолуутун хааччыйыы өттүгэр ыытыллыбыт үлэни сыаналаата. Ол курдук, бырабыыталыстыба салалтата уонна ЫБМ министиэристибэтин үлэһиттэрэ “Чолбон” бассейн, “Триумф” успуорт дыбарыаһын, ХИФУ успуорт эбийиэктэрин уонна “Дохсун” успуорт комплексын кэрийдилэр.
Бу тэрилтэлэргэ ЫБМ министиэристибэтэ эрдэ туох итэҕэс баарын тургутан дьаһал биэрбит буолан, бу кэрийии дьаһалы толоруу тэтимин уонна итэҕэстэри туоратыыга туох уустуктар үөскээбиттэрин быһаарыы буолла.
Сцырыы кэнниттэн Дмитрий Садовников:
—Кэтиир уорганнар түһэрбит дьаһалларынан үлэ бара турара көстөр. Дьиҥэр, ыйыллыбыт итэҕэстэр олус уустуктарынан ааттыыр сыыһа, ол эрэн сорохторун туоратыы улахан үбү ирдиир. Тэрилтэлэр бүгүн үлэни хааччыйарга үбүлээһин кээмэйин ыйдылар, ону бырабыыталыстыба ырытыыга ылыаҕа. Бары итэҕэстэр күһүн иннинэ, үөрэх сезона саҕаланыан иннинэ, туоратыллыахтаахтар, — диэн түмүк таһаарда.
Бүгүн, олунньу 3 күнүгэр, сорох улуустарынан быстах кэмҥэ өрөмүөн үлэтэ буоларынан сибээстээн, күн устата араас…
Гидрометеосулууспа уонна тулалыыр эйгэни кэтээн көрүү управлениетын саайтын дааннайдарынан, бүгүн, олунньу 3 күнүгэр, Саха сирин…
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна. Вице-премьер Георгий Степанов салайар…
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…