ДНӨ уонна Курскай уобаласка баар Саха сирин тирэх пууннарын үлэһиттэрэ нэдиэлэ иһигэр 21 маршрутунан сырыттылар

Өрөспүүбүлүкэ ДНӨ уонна Курскай уобаласка баар тирэх пууннарын үлэһиттэрэ анал байыаннай дьайыыга кытта байыаннай чаастарга нэдиэлэ иһигэр 21 төгүл сырыттылар.

Бу туһунан нэдиэлэтээҕи брифиҥҥэ  ДНӨ, ЛНӨ, Ростов уонна Курскай уобаластарга өрөспүүбүлүкэ тирэх пууннарын «Юстас» позывнойдаах  сүрүннүүр координатора иһитиннэрдэ.

«Анал байыаннай дьайыыга кытта сылдьар байыастарга Аҕа дойдуну көмүскээччи күнүгэр аналлаах бырааһынньыктааҕы бэлэхтэр уонна Саха сириттэн 200-чэ аадырыстаах баһыылка тиэрдилиннэ», — диэн «Юстас» чопчулаан эттэ.

Тирэх пууннар сүрүннүүр координатордара иһитиннэрбитинэн, тирэх пуун мэхээньиктэрин бөлөхтөрө ДНӨ-гэр сыл саҕаланыаҕыттан «Якт-Сокол» 14 квадроциклы уонна 5 атын тиэхиньикэни өрөмүөннээн төннөрбүттэр.