Салгыы
До выборов президента РФ
00 дней
:
00 часов
:
00 минут
:
00 секунд
“Дойдуга таптал төрөөбүт сиртэн саҕаланар”

“Дойдуга таптал төрөөбүт сиртэн саҕаланар”

17.10.2022, 20:51
Бөлөххө киир:

Дойдуга буола турар быһыыга-майгыга, ыччакка төрөөбүт дойдуга тапталы иҥэриигэ бэйэтин көрүүтүн, санаатын “Сахатранснефтегаз” кылаабынай инженерэ, норуот дьокутаата Павел Ксенофонтов үллэһиннэ.

— Аан дойдуга туох буола турарын бары бэркэ диэн көрө-истэ сылдьабыт. Бастакытынан, арҕаа дойдулар 17-19-с үйэттэн саҕалаан, түөрт уоннуу сыл буола-буола ханнык эрэ түгэҥҥэ куомуннаһан, Арассыыйаҕа саба түһэллэр. Бу сырыыга арҕаа дойдулар Эмиэрикэни кытта кыттыһан, Украинаны уган биэрдилэр. Украина бэйэтэ да билбэтинэн киирэн биэрдэ. Маныаха Арассыыйа хотуута аан дойдуну барытын быыһыан сөп. Биһиги ону өйдүөх тустаахпыт. Биһиги илбит (судаарыстыбабыт) да салайыытынан, олоруутунан, дьоммут-сэргэбит даҕаны толкуйунан Арассыыйа хайдах даҕаны хотторор кыаҕа суох.

Туох да диэбит иһин, Украина нэһилиэнньэтин улахан аҥаара Арассыыйаны өйүүр гынан баран, куттанан хамсаныы оҥорбокко олорор. Ол иһин биһиги төһө кыалларынан иирсээни тохтотон, Украина судаарыстыбатын бэйэбит диэки хайыһыннарар үлэни ыытыахтаахпыт. Ол туһугар ыччаты иитии күүскэ барыахтаах. Украина дьиҥнээх чахчытын көрдөрөн, фашистар диэн кимнээҕин, бу дьон туох куһаҕаны оҥорбуттарын быһааран көннөрүөхтээхпит дии саныыбын. Биллэн турар, ити тута кыаллыбат.

Онтон Арассыыйа ыччатыгар дойдуга тапталы ситэри иҥэрбэтибит. Ити чахчы көстөр. 35 саастарыттан үөһэлэр “мин дойдум”, “төрөөбүт тылым”, “мин эйгэм”, “төрүт үгэһим” диэн санаалаах эбит буоллаҕына, 35-гэр диэри саастаах ыччат толкуйа арыый атын. Ити ыччаты саҥаттан иитэр уустук буолуо. Ол иһин билигин оҕолор, устудьуоннар ортолоругар күүстээх үлэ барыахтаах, — диэн кини этэр.

Павел Валериевич саха тыла сайдарын, кэхтибэтин туһугар туруулаһар дьонтон биирдэстэрэ. Тылга, тиэрмиҥҥэ бэйэтэ ураты көрүүлээх, толкуйдаах:  “Патриот” диэн тылы “дойдуһа” (дойдуга туһалаах киһи), “патриотизм” диэни “дойдунаат” диирбит ордук диэн эппитим үс сыл буолла. Биһиги Арассыыйа патриоттарабыт, Саха сирин ыччатын дойдуга туһалаах дьон буоларга иитиэхтээхпит».

“Патриот” диэн тыл тылбааһа суох буолан, бары нууччалыытынан тутта сылдьабыт. “Патриот” омукка туһаайыллыбат, уопсай өйдөбүллээх, бүттүүн Арассыыйаҕа тарҕаммыт суолталаах. Дойдуга бэриниилээх, туһалаах буолууну хас биирдии омук бэйэтин төрөөбүт тылын, үгэстэрин нөҥүө иҥэриллэр. Арассыыйа дойду иһигэр баар омуктары барыларын харыстаан, көмүскээн, сайыннаран олорор. Хас биирдии киһи төрөөбүт төрүт сиригэр дойдуһа (дойдутугар туһалаах киһи) буолуохтаах, ол эрэ кэнниттэн Арассыыйа патриота буолар кыахтаах. Үөскээбит, кииммит түспүт, улааппыт сирбитин нөҥүөлүүрбүт хайдах даҕаны табыллыбат. Саха омуга ити суруллубатах сокуону тутустахпытына, кэспэтэхпитинэ эрэ дьиҥнээх Арассыыйа патриоттарын иитэн таһаарар кыахтаахпыт, — диэн сахалыы толкуйдаах быһаарар.

Хаартыска: СИАтан.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
4 марта
  • -23°C
  • Ощущается: -23°Влажность: 83% Скорость ветра: 1 м/с

Сообщить об опечатке

Текст, который будет отправлен нашим редакторам: