Ульяна Захарова хаартыскаҕа түһэриитэ.
Арассыыйаҕа арыгы атыыланар сааһын 18-тан 21-гэр диэри түһүмэхтэринэн үрдэтэргэ этии киллэрдилэр.
Бу ситэр-хотор саастаах 11-с кылаас үөрэнээччилэрэ арыгыны атыылаһар бырааптаахтарыттан, оттон кинилэр алтыһар эйгэлэригэр өссө эдэр ыччат баар буолуохтарын сөбүттэн тахсар. Бу туһунан РФ Уопсастыбаннай балаататын Демография, дьиэ кэргэни, оҕону уонна үгэс буолбут дьиэ кэргэн сыаннастарын харыстабылыгар хамыыһыйатын бэрэссэдээтэлэ Сергей Рыбальченко иһитиннэрдэ.
«Арыгыны иһэргэ сааһынан хааччахтааһыны көрүөххэ наада. Бүгүн 11-с кылаас үөрэнээччилэрин үксүлэрэ номнуо ситэр-хотор саастаахтар уонна арыгыны атыылаһар кыахтаахтар. Ол аата, кинилэр ситэ-хото илик саастыылаахтара эмиэ бу дьайыыга киирсэллэр», — диэн Рыбальченко ТАСС-ка быһаарда.
Кини санаатынан, уопсастыбаны уонна биисинэһи саҥа быраабылаларга бэлэмниир инниттэн, сааһы үрдэтиини түһүмэхтэринэн олоххо киллэриэххэ сөп. Урут Сергей Рыбальченко федеральнай таһымҥа арыгы атыыланар кэмин кылгатарга уонна өрөбүл, бырааһынньык күннэргэ эбии хааччахтары киллэрэргэ этии киллэрэн турар.
Билигин Арассыыйаҕа итирдэр утаҕы 23:00 чаастан 08:00 чааска диэри атыылыыр бобуллар, ол эрээри эрэгийиэннэр ордук кытаанах миэрэлэри олохтуур бырааптаахтар — холобур, Саха сиригэр арыгыны 9 чаас устата атыылаһыахха сөп.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…