Дьокуускай баһылыга Евгений Григорьев быыбарга кытынна

Дьокуускай куорат баһылыга Евгений Григорьев бүгүн сарсыарда 689-с быыбардыыр учаастакка кэлэн куоластаата. Кини быыбары тэрийии үрдүк таһымнааҕын бэлиэтээтэ.

«Куоласпытын биэрэр, РФ Бэрэсидьиэнин быыбардыыр күүтүүлээх күннэрбит үүннүлэр. Гражданскай иэспин толордум, бэйэм санаабын этинним. Быыбардыыр учаастакка дьон бөҕөтө үмүөрүспүтүнэн көрдөххө, норуот дойду сырдык инникитин туһугар интэриэстээх. Гражданскай позицияҕытын биллэрэ бары быыбардыыр учаастакка кэлэргитигэр ыҥырабын. Мин бэйэм быыбарбын оҥордум. Мин күүстээх бэрэсидьиэннээх күүстээх Арассыыйаны көрөбүн!» — диэн Дьокуускай баһылыга этэр.