Аҕыйах хонуктааҕыта Арассыыйа Федерациятын Бырабыыталыстыбатын дьаһала таҕыста. Ол курдук, дьаһал 2024 с. Дьокуускай куоракка “Азия оҕолоро” VIII сайыҥҥы норуоттар икки ардыларынааҕы успуорт оонньууларын бэлэмнээһиҥҥэ уонна ыытыыга ананна. РФ Бырабыыталыстыбатын бэрэссэдээтэлэ Михаил Мишустин тэрийэр кэмитиэти тэрийэргэ уонна састаабын бигэргэтэргэ соруйда.
Тэрийэр кэмитиэт үлэтин тэрээһин-тэхиньиичэскэй хааччыйыыны Арассыыйа Успуорка министиэристибэтигэр сүктэрилиннэ. Тустаах министиэристибэ Саха Өрөспүүбүлүкэтин Бырабыыталыстыбатын кытта успуорт оонньууларын бэлэмнээһиҥҥэ уонна ыытыыга былааны оҥорон, тэрийэр кэмитиэккэ киллэриэхтээх.
“Азия оҕолоро” VIII сайыҥҥы успуорт оонньууларын бэлэмнээһини уонна ыытыыны кытта сибээстээх ороскуоттары 2023 сылга федеральнай бүддьүөккэ көрүллүбүт уонна 2024 уонна 2025 сыллардааҕы былааннаммыт кэмҥэ бүддьүөт ассигнованиеларын иһинэн интэриэстээх ситэриилээх былаас федеральнай уорганнарын кытта туһаныахтара.
Арассыыйа МИД-а успуорт оонньууларын кыттааччыларыгар уонна ыалдьыттарыгар, ону тэҥэ пресса бэрэстэбиитэллэригэр тэрийэр кэмитиэт сайаапкатынан олохтоммут бэрээдэгинэн визалары биэриэҕэ, ону биэриигэ хомууру тутуохтара суоҕа.
Бу дьаһалга Михаил Мишустин ахсынньы 22 күнүгэр илии баттаата. Онон Дьокуускай куоракка 2024 сыл сайыныгар ыытыллыахтаах оонньууларга бэлэмнэнии саҕаланна.
Хаартыска: тустаах саайтан
Бүгүн, ыам ыйын 7 күнүгэр, дойду биир сүрүн событиета – Кириэмил Улахан дыбарыаһыгар Владимир Путин…
Тулаайах уонна төрөппүт көрүүтэ суох хаалбыт оҕолору дьиэнэн хааччыйыы бырагыраама өрөспүүбүлүкэҕэ үлэлээбитэ быданнаата. Тутуу министиэристибэтэ…
Бүгүн Араадьыйа күнүнэн "Тэтим" араадьыйатын үлэһиттэрэ эҕэрдэ арааһын, истиҥ санаа бастыҥын истэр, алгыс ылан, санаалыын…
Национальнай бибилэтиэкэҕэ ыам ыйын 8 күнүттэн «Они показали войну без прикрас. 100 лет - писателям-фронтовикам»…
Өрөспүүбүлүкэ сиригэр-уотугар баһаартан кутталлаах кэм биллэрилиннэ. Туһааннаах уураахха өрөспүүбүлүкэ бастакы вице-бэрэсидьиэнэ Дмитрий Садовников илии баттаата.…
Бүгүн, муус устар 7 күнүгэр, РФ бэрэсидьиэнэ Владимир Путин кулун тутардааҕы быыбар кэнниттэн дойду бэрэсидьиэнин…