Хаартыска: yakut.er.ru саайтан.
Билигин тэриллэр былаас систиэмэтэ биир хамаанда курдук үлэлиэхтээх, бу чуолаан байыаннай дьайыы ыытыллар кэмигэр суолталаах. Бу туһунан Дьокуускай куорат Дууматын дьокутаата Александр Ильин олохтоох бэйэни салайыныы саҥа федеральнай сокуонун бырайыагын ырытыспыт “төгүрүк остуол” түмүгүнэн норуот талбыт дьонун туһунан этэригэр иһитиннэрдэ. Ону тэҥэ, кини мээри дьокутааттар талар ньымалара демократияттан тэйиини бэлиэтиир диэн сорох бэлиитиктэр этиилэрин утарда.
— 2020 сыллаахха Арассыыйа Конституциятыгар уларытыылары киллэриигэ Бүтүн Арассыыйатааҕы куоластааһын буолбута. Биһиги дойдубут, ол иһигэр Саха сирэ куоластаабыт сүрүн балаһыанньаларыттан биирдэстэринэн, публичнай былаас биир систиэмэтин тэрийэри уонна судаарыстыбаннай былаас уоргана олохтоох бэйэни салайыныыны тэрийэргэ кыттыыта буолар.
Кэлиҥҥи сылларга федеральнай таһымҥа бу бириинсиби олоххо киллэрии утум-ситим хаамыыта ыытыллар. Ол курдук, федеральнай таһымҥа Судаарыстыбаннай Дуума билигин Бырабыыталыстыбаны тэрийиигэ кыттар. От ыйыгар муниципальнай тэриллии бэрэстэбиитэллээх уорганнара олохтоох дьаһалтаны тэрийиигэ кыттарга быраабы ылбыттара.
Билигин байыаннай дьайыы уонна биһиги дойдубутун тастан баттааһын кэмигэр, былаас биир сомоҕо буолара, күүһүн уонна баар кыаҕын барыбыт кыайыыбыт туһугар туһаайара ирдэнэр. Саҥа систиэмэҕэ былаас бары уорганнара – эрэгийиэн баһылыга, мэр, дьокутааттар бары биир хамаанда курдук үлэлииллэр. Бусудургута суох кэмҥэ улахан суолталаах.
Саҥа схеманан муниципалитеттар баһылыктарын талыы, олохтоох бэйэни салайыныы туһунан саҥа федеральнай сокуонунан көрүллэр. Бу быһаччы быыбардааһын курдук эмиэ сокуоннай көрүҥ. Саҥа көрүҥ уратыта диэн, эрэгийиэн баһылыктара хандьыдааттары кытаанахтык сүүмэрдииллэрэ уонна салгыы бастыҥ сорунааччыны дьокутааттар куорпустара талара сабаҕаланар. Маннык систиэмэ демократичноһы намтаппат, төттөрүтүн куорат баһылыгын аһаҕастык уонна дьон сатабыллаахтык (профессионально) талалларыгар усулуобуйаны тэрийэр. Олохтоохтор уруккутун курдук бэйэлэрин дьокутааттарын талыахтара. Кинилэргэ куоластаан сорудах уонна барыллаан куоластааһыны ааспыт бастыҥ хандьыдааттартан куорат баһылыгын талалларыгар быраап биэрэллэр, – диэн дьокутаат Александр Ильин бэлиэтиир.
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…