Дьокуускай олохтооҕо сэттэ устудьуону халаабыт

Дьокуускайга сэттэ устудьуонтан ноутбуктары уорбут эдэр киһи сууттаныаҕа диэн СӨ Борокуратуурата иһитиннэрэр.

Борокуратуура иһитиннэриитигэр сурулларынан, бу киһи үөлээннээхтэриттэн ноутбуктары үөрэҕэр диэн уларсар эбит. Ол эрээри хаһаайыттарыгар төнүннэрбэккэ, барытын комиссионнай маҕаһыыҥҥа туттарбыт. Оннук сэттэ устудьуону албыннаабыт.

«Буруйданааччы буруйун билиммитэ, хоромньу сороҕун төннөрбүтэ. Төннөрө илик хоромньутунан гражданскай иск толоруллубут. Холуобунай дьыала суукка барда», — диэн суруйаллар.

Түөкүннээһининэн холуобунай дьыала тэриллибит.