Дьокуускайга «100 СПОсобов развития» устудьуоннар көҕүлээһиннэрин пуорумнара буолла

Н.Г. Чернышевскай аатынан Бүлүүтээҕи педагогическай кэллиэс 100 сыллаах үбүлүөйүн чэрчитинэн, ыччат көхтөөх буолуутун өйүүргэ Саха сиринээҕи идэлээх үөрэхтээһин тэрилтэлэрин устудьуоннарын пуорума буолла.

Бу туһунан Профессиональнай үөрэхтээһин сайдыытын үнүстүүтүн пресс-сулууспата иһитиннэрдэ. Пуорум бырагырааматынан лиэксийэлэр, трениннэр, маастар-кылаастар, биэс сыллаах үлэлэр, култуурунай-сынньанар тэрээһиннэр ыытылыннылар.

Пуорумҥа эҕэрдэ тылы СӨ Үөрэҕин уонна наукаҕа министиэристибэтин эбийиэктэрин информационнай көмүскэлин уонна куттал суох буолуутун отделын салайааччыта Степан Степанов уонна Бүлүүтээҕи педагогическай кэллиэс дириэктэрэ Иван Алексеев, «Авангард» оҕо уонна ыччат байыаннай- патриотическай иитиигэ эрэгийиэннээҕи үөрэтэр-методическай киин салайааччыта Александр Кузьмин, Саха сирин профессиональнай үөрэхтээһинин сайыннарыы үнүстүүтүн  дириэктэрэ Лилия Иванова эттилэр. Лилия Михайловна ыччат көҕүлээһиннэрин өйөөһүн гражданскай позицияны тэрийиигэ олус суолталааҕын бэлиэтээтэ.

Тэрээһин кыттыылаахтарыгар  Махтал суруктары туттардылар уонна түмүк быһаарыы ылылынна.