Сайаана Львова хаартыската
Саха сирин Бырабыыталыстыбата 2023 сыл балаҕан ыйын 1 күнүнээҕи туругунан Дьокуускай куорат иһигэр хаарбах дьиэлэринэн билиниллибит дьиэлэртэн көһөрүү былаанын кыраапыгын бигэргэтэр үлэни ыытар. Былаан кыраапыгар быһа холоон 979 элбэх кыбартыыралаах дьиэ киирдэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Социальнай ситим нөҥүө быһа эпиир кэмигэр өрөспүүбүлүкэ тутууга министирэ Виктор Романов РФ Бэрэсидьиэнэ Владимир Путин Уһук Илин уокурук куораттарын сайыннарыыга сүбэ мунньаҕар, өрөспүүбүлүкэ киин куоратыгар 2030 сылга диэри саахалланар туруктаах олорор дьиэ пуондатыттан дьону көһөрүүнү түмүктүүрүгэр сорудахтаабытын санатта.
«Ааспыт, 2023 сыл балаҕан ыйын 1 күнүгэр диэри Дьокуускай куоракка саахалланар туруктаах, хаарбах дьиэлэринэн билиниллибит пуондаттан 2030 сылга диэри дьону көһөрүөхтээхпит. Биһиги былаан кыраапыгын оҥорон Территориялары сайыннарыы пуондатыгар сөбүлэһиннэриигэ ыыттыбыт. Онно 32 тыһыынча киһи олорор 979 элбэх кыбартыыралаах дьиэ киирдэ – бу олус улахан кэриҥнээх. 2030 сылга диэри биһиги 427 тыһыынча кв.м иэннээх хаарбах дьиэттэн дьону көһөрүөхтээхпит», – диэн иһитиннэрдэ Виктор Романов.
Ил Дархан Айсен Николаев эрдэ саахалланар туруктаах дьиэлэртэн дьону көһөрөр соруктары быһаарарга өрөспүүбүлүкэҕэ тутууну ыытыыны улаатыннарыы наадатын тоһоҕолоон бэлиэтээбитэ.
«Дойду Бэрэсидьиэнэ Владимир Путин сүбэ мунньах түмүгүнэн биэрбит сорудаҕын толоруу – Дьокуускайга хаарбах дьиэттэн көһөрүү кыһалҕатын бүтүннүү быһаарыаҕа. Бу биһиги иннибитигэр турар болдьоҕор толоруллуохтаах сүрүн сорук буолар», – диэн эппитэ Айсен Николаев.
Санатан эттэххэ, өрөспүүбүлүкэҕэ дьону хаарбах уонна саахалланар туруктаах дьиэлэртэн көһөрүү РФ Бэрэсидьиэнэ Владимир Путин көҕүлээбит «Олорор дьиэ уонна куорат эйгэтэ» национальнай бырайыак чэрчитинэн олоххо киирэр. 2024 сыл муус устар 10 күнүнээҕи туругунан 740,83 тыһыынча кв. миэтэрэ иэннээх хаарбах туруктаах дьиэ пуондатыттан 40,2 тыһыынча киһи көһөрүлүннэ. 2019 сылтан саҕалаан бу бырагыраама чэрчитинэн Саха сиригэр 244 элбэх кыбартыыралаах дьиэ үлэҕэ киирдэ. 2024 сылга өссө 93 элбэх кыбартыыралаах олорор дьиэ тутуллара күүтүллэр.
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…