Хаартыска: Cosmos.ru
Дьокуускай куорат киинигэр, Чернышевскай уулуссатыгар 12 этээстээх аныгы гостиница тутуллуоҕа. Бу туһунан Ил Дархан «РИК» хампаанньа былырыыҥҥы үлэтин сыаналыыр, саҥа былааннары торумнуур мунньаҕар кэпсэттилэр.
Бырайыак бэрэсидьиэн Владимир Путин көҕүлээбит «Туризм и гостеприимство» национальнай бырайыагын чэрчитинэн, олоххо киириэҕэ.
2023 сыл олунньутугар «Корпорация Туризм.РФ», «Космос Отель Групп» уонна «Центр» салайар хампаанньа 4 сулустаах гостиницаны тутар туһунан дуогабарга илии баттаспыттара. «Центр» ХЭТ тутууну саҕалыахтаах.
— Өрөспүүбүлүкэ киин куоратыгар аныгы көстүүлээх гостиница олус наада. Гостиничнай комплексы тутууну кулун тутартан саҕалыахха наада, — диэн Айсен Николаев тоһоҕолоон бэлиэтээтэ.
COSMOS гостиница Дьокуускай куорат киинигэр, Эргэ куораттан чугас, Чернышевскай уулуссатыгар тутуллуоҕа. Күөх Хонууну, өрүһү өҥөйөн турар буолан, түннүктэртэн кэрэ көстүү нэлэһийиэҕэ. 12 этээстээх дьиэ 150 нүөмэрдээх, рестораннаах, фитнес-саалалаах, дьыалабыай көрсүһүүлэргэ, тэрэһиннэргэ аналлаах саалалардаах буолуоҕа. Гостиница аттынааҕы сири эмиэ тупсарыахтара, массыына турар сирин оҥоруохтара.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…