Дьокуускайга “Аҕабытын кытары бииргэ” өрөспүүбүлүкэтээҕи күрэхтэһии ыытыллыаҕа

Саха сирин аҕаларын уонна оҕолорун атырдьах ыйын 23-25 күннэригэр Дьокуускайга “Виктория” сайыҥҥы лааҕыр базатыгар ыытыллар “Аҕабытын кытары бииргэ” өрөспүүбүлүкэтээҕи II  күрэхтэһиигэ кыттарга ыҥыраллар.

Күрэхтэһиигэ аҕа  11-14 саастаах оҕолорун кытары кыттар.

Күрэхтэһии алта түһүмэҕинэн буолар:

1. «Бэйэни билиһиннэрии»;
   2. «Сэлэлээн туруу. Спортивнай ориентирование – лабиринт»;
   3. «Бастыҥ бивуакка куонкурус»;
   4. «Туристическай балаһа»;
   5. «Спортивнай ориентирование – Кросс-талыы»;
   6. «Интеллектуальнай».

Кыттааччылар сайаапкаларын атырдьах ыйын 19 күнүгэр диэри videopobeda@mail.ru электроннай аадырыска ыыталлар.

Кыайыылаахтар харчынан бирииһинэн бэлиэтэниэхтэрэ:

1 миэстэҕэ  – 100 000 солкуобай;
2 миэстэҕэ – 80 000 солкуобай;
3 миэстэҕэ – 60 000 солкуобай.

Күрэхтэһии Арассыыйаҕа Аҕа күнүгэр уонна Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылларыгар ананар.

Сүрүн тэрийээччи – СӨ Үлэҕэ уонна социальнай сайдыыга министиэристибэтэ, тэрийсээччилэр –  “Аҕалар лигалара” уопсастыбаннай тэрилтэ, Арассыыйа спортивнай ориентированиеҕа федерациятын Саха сиринээҕи отделениета.