Дьокуускайга Автодорожнай уокурукка уу турбата тоҥон олохтоохтор уута суох хаалбыттар

Дьокуускайга Автодорожнай уокурукка экстремальнай намыһах салгын температураттан уу турбата тоҥмут. Итинэн сибээстэн элбэх кыбартыыралаах дьиэлэри уунан хааччыйыы хааччахтаммыт. Бу содулу туоратарга «Теплоэнергия» АУо биригээдэтэ таҕыста.

Содулу туоратыыга 12 киһи уонна түөрт тиэхиньикэ үлэлиир. Күн устата маннык аадырыстарынан уу таһыыта тэриллиэҕэ: Чернышевскай уулусса, 18, 118/1, 118/3, Покровскай тракт 5 км, 1 дьиэ, ону тэҥэ чааһынай секторынан 5 км1/1, 1/2, 2Б  уонна Озерная уул. 5.

«Теплоэнергия» АУо диспетчерскэй сулууспата — 35-85-33, 35-81-74 уонна 509-000.