Дьокуускайга “Азия оҕолоро” оонньуу сүрүн судьуйата Мерей Акшалов кэллэ

Дьокуускай аэропордугар “Азия оҕолоро” норуоттар икки ардыларынааҕы VIII спортивнай оонньуу сүрүн судьуйатын Мерей Акшаловы көрүстүлэр. Кини Казахстантан кэллэ, күрэхтэһиигэ диэри судьуйалар биригээдэлэрин кытта билсиэҕэ диэн СИА суруйар.

“Оонньууларга барыта 720-тэн тахса судьуйа үлэлиэҕэ, бу олус улахан хамаанда. Күүстээхтэр эрэ кыайалларын туһугар хайдах баарынан кырдьыгынан сыаналыахпыт. Бу миэхэ улахан чиэс уонна эппиэтинэс, мин 2004 сыллааҕы “Азия оҕолоро” оонньууларга кыттыбытым, 20 сыл буолан баран сүрүн судьуйа быһыытынан кэллим, маныаха ханыылыы бастакы уопутум буолар” – диэн Мерей Акшалов этэр.

Бэс ыйын 22 күнүгэр Дьокуускайга Казахстан Өрөспүүбүлүкэтин сүүмэрдэммит хамаандата кэлбитэ. Хамаандаҕа 200-тэн тахса спортсмен киирэр.

СИА.