Дьокуускайга баһаартан сэрэхтээх буолуу ураты эрэсиимэ биллэрилиннэ

Атырдьах ыйын 26 күнүттэн балаҕан ыйын 14 күнүгэр диэри Дьокуускайга баһаартан сэрэхтээх буолуу ураты эрэсиимэ биллэрилиннэ. Маннык быһаарыы ойуур баһаара турар куттала үрдүк IV кылааһа бэлиэтэммитинэн сибээстээн ылылынна.

Ураты эрэсиим атырдьах ыйын 26 күнүн сарсыарда 09:00 чаастан балаҕан ыйын 14 күнүн 09:00 чааска диэри үлэлиир.

Бу кэмҥэ киин куоракка уонна тулатыгар маннык быраабылалар үлэлииллэр:

• Тыаҕа үлэлиир эбэтэр баһаары умуруорар түгэннэртэн ураты, тыаҕа тырааныспарынан сылдьар бобуллар. 
• Тыаҕа идэлэринэн сылдьар дьон, холобур, үлэһиттэр эбэтэр сулууспалар эрэ сылдьаллара көҥүллэнэр. 
• Ас астыырга мангалы уонна аһаҕас уоту туһанар бобуллар.

Дьокуускай куорат дьаһалтата олохтоохтору уонна куорат ыалдьыттарын бу быраабылалары тутуһалларыгар, уоту сэрэхтээхтик туһаналларыгар ыҥырар. Эрэсиими кэһии иһин ыстараап уонна административнай эппиэтинэс көрүллэр.