Дьокуускайга биэдэмистибэлэр икки ардыларыгар баһаарынайдар волейболга бастаатылар

Киин куоракка «Динамо» уопсастыба тэрийиитинэн күүстээх биэдэмистибэлэр икки ардыларыгар волейболга тыҥааһыннаах күрэхтэһии ыытылынна.

Турнирга кыайыы иһин ЫБММ, Росгвардия, ИДьМ уонна да атын эрэгийиэннээҕи быраабы харыстыыр структуралар хамаандалара кииристилэр.

Росгвардия сүүмэрдэммит хамаандата тыҥааһыннаах киирсиигэ ситиһиилээхтик кыттан, оонньууга үһүс миэстэни ылла. Бастакы миэстэни — ЫБММ бэрэстэбиитэллэрэ, иккис миэстэни — ИДьМ хамаандалара ыллылар.

Росгвардеецтар маннык күрэхтэһиилэр хамаанда тыынын уонна үлэһиттэр этин-сиинин бэлэмин, биэдэмистибэлэр икки ардыларынааҕы алтыһыыны бөҕөргөтүүгэ көмөлөһөллөрүн бэлиэтээтилэр. Бу туһунан Саха сиринээҕи Росгвардия пресс-сулууспата иһитиннэрэр.

«Чиэһинэй күрэстэһии киирсиитигэр бэйэбитин көрдөрөр кыахтаммытыгар тэрийээччилэргэ махтанабыт. Маннык турнирдар биһигини салгыы сайдарбытыгар, бастыҥ түмүктэри көрдөрөрбүтүгэр көҕүлүүллэр», — диэн хамаанда кыттааччылара  бэлиэтээтилэр.