Ахсынньы 21 күнүгэр Дьокуускайга «Триумф» успуорт уораҕайыгар Төрүт многоборьеҕа Федерация II Куубага ыытыллыаҕа. Күрэхтэһиигэ өрөспүүбүлүкэ чөмпүйэнээтин түмүгүнэн аҕыс бастыҥ муниципальнай хамаанда кыттыаҕа.
Хас биирдии улуус сүүмэрдэммит хамаандатыгар 18 саастарын ааспыт үстүү күрэсчит киириэҕэ. Ааспыт сылга Төрүт многоборьеҕа Федерация Куубагын бастакы хаһаайыттарынан Кэбээйи улууһун бэрэстэбиитэллэрэ буолбуттара. Оччолорго кинилэр чиэстэрин Алексей Уваровскай, Артём Дьяконов уонна Яков Дмитриев көмүскээбиттэрэ. Ол гынан баран, быйыл кинилэргэ атын улуустар күүстээх утарсыыны оҥоруохтара. Кыттааччылар бастыҥнары төрүт ыстаҥаларга, тутум эргииргэ, хапсаҕайга, мас-рестлиҥҥэ уонна 3х200 эстэпиэтэҕэ быһаарсыахтара. Бу күрэх биир интэриэһинэйэ диэн, бастакы икки көрүҥҥэ многоборецтар түмүктэрэ эбиллэн суоттанар. Оттон хапсаҕай уонна мас-рестлинг олимпийскай систиэмэнэн ыытыллыахтара.
Хамаанданан куубак кыайыылааҕа 300 тыһыынча солкуобайы бириис быһыытынан тутуоҕа. Иккис миэстэҕэ — 200 тыһыынча, үһүскэ — 100 тыһыынча солкуобай туттарыллыаҕа. Күрэхтэһии кылаабынай судьуйатынан уопуттаах арбитр Дмитрий Саввинов ананан үлэлиэҕэ. Тэрийээччилэринэн Саха сирин физическэй култуураҕа уонна успуорка министиэристибэтэ, Төрүт көрүҥнэргэ өрөспүүбүлүкэтээҕи киин уонна Төрүт многоборье федерацията буолаллар.
Суол быһылаанын аҕыйатар сыалтан, Саха сирин үрдүнэн ГАИ үлэһиттэрэ тохсунньу 9 күнүгэр диэри үлэ күүһүрдүллүбүт…
Юрий Слепцов: " Бүгүн үһүс күнүн Дьокуускайга “Төрөөбүт дойду – Арассыыйа күүһэ” Бүтүн Арассыыйатааҕы III…
Саха сирин Арктическай оскуолата уонна Кытай Норуодунай Өрөспүүбүлүкэтин Цзянси провинциятын Наньчан куоратын Омук тылларын оскуолата…
Киэҥ далааһыннаах күрэхтэһии 2027 сыл сайыныгар Ньурба улууһугар ыытыллыаҕа, онно номнуо көхтөөх бэлэмнэнии саҕаланна. Санатан…
Ахсынньы 12 күнүгэр, Дьокуускайга Ил Дархан Айсен Николаев бэрэссэдээтэллээх эрэгийиэҥҥэ бэрээдэги уонна куттал суох буолуутун…
Арассыыйаҕа бобуулаах эттиктэрдээх күүстээх дьайыылаах эмптэри иһэн баран, тимир көлөнү ыытыы 45 тыһыынча солкуобай ыстараапка…