Дьокуускайга биэнсийэлээх дьахтар бииргэ олорор киһитин кырбаан өлөрбүт

Дьокуускайга 64 саастаах дьахтары сууттуохтара. Бу туһунан СӨ Силиэстийэлиир кэмитиэтэ иһитиннэрэр.

Силиэстийэ быһаарбытынан, 2024 сыл тохсунньутугар буруйданааччы дьахтар уонна кини бииргэ олорор киһитэ дьиэ-уот кыһалҕаларыттан, эр киһиэхэ бэриллибит арыгыттан сылтаан мөккүспүттэр. Ол түмүгэр дьахтар эр киһини охсуолаабыт, тэбиэлээбит уонна илиитигэр туох түбэһэринэн төбөҕө, эккэ-сииҥҥэ саайталаабыт. Эр киһи онтон улахан эчэйиилэри ылан, икки күн балыыһаҕа сытан баран тыына быстыбыт.

Хас да ыйы быһа буруйу сатаан арыйбакка сылдьыбыттар, дьахтар эр киһи киниэхэ номнуо кырбанан баран кэлбитин эппит. Ол эрээри тустаах үлэһиттэр дакаастабылы хомуйан, дьахтар буруйу оҥорууга сыһыаннааҕын быһаарбыттар.

Холуобунай дьыала суукка ыытыллыбыт.