Дьокуускайга «Боотурдар оонньуулара» бэстибээл саҕаланна

Дьокуускайга «Боотурдар оонньуулара» бэстибээл саҕаланна

Ааптар:
28.09.2022, 12:12
Бөлөххө киир:

Бүгүҥҥүттэн, балаҕан ыйын 28 күнүттэн, Дьокуускайга «Өрөгөй» успуорка бэлэмнэнии киинигэр «Боотурдар оонньуулара» диэн үгэскэ кубулуйбут өрөспүүбүлүкэтээҕи бэстибээл саҕаланна. Күрэхтэһии Саха сириттэн көҥүл тустууга уолаттарга аан дойдуга бастакынан чөмпүйүөннээбит Илларион Георгиевич Федосеев кэриэһигэр ыытыллар.

Күрэхтэһии тустуу үс көрүҥүнэн барар — көҥүл, гректии-римнии уонна дьахтар тустуута. Бастакы күҥҥэ үс көбүөрүнэн 269 тустуук илин-кэлин түсүһүөҕэ.

«Бу күрэхтэһиигэ өрөспүүбүлүкэбит 22 улууһуттан эдэр спортсменнар кытталлар. Бу бэстибээл 2024 сылга Дьокуускайга буолар «Азия оҕолоругар» бастакы сүүмэрдиир түһүмэҕинэн буолуоҕа», — диэн СӨ көҥүл тустууга оҕолорго старшай тириэньэрэ Кузьма Сивцев этэр.

Бэстибээл икки күн устата ыытыллыаҕа диэн СӨ Сүүмэрдэммит хамаандаларын спортивнай бэлэмнээх буолууларын өрөспүүбүлүкэтээҕи киинин пресс-сулууспата иһитиннэрэр.

Хаартыскалар: пресс-сулууспаттан.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: