Дьокуускайга бутлегеры туттулар

ИДьМ Дьокуускай куорат 4-c  №-дээх полиция салаатын учаскуобайдара дьон олорор секторыгар сэрэтэр рейдэ оҥоро сылдьан, массыына иһиттэн арыгы атыылыы турар киһини туттулар.

Ол курдук, 22 саастаах эр киһи Клара Цеткин уулуссаҕа «Тойота Камри» массыына иһиттэн дьоҥҥо арыгы атыылаабыт. Бэрэбиэркэ түмүгүнэн киниттэн 213 лиитэрэ  арыгыны былдьаабыттар. Сокуону кэһээччигэ РФ административнай быраабы кэһии кодексатын 14.17.1 ыст. 1 ч. «Сокуону кэһэн туран арыгыны атыылааһын иһин» диэнинэн административнай боротокуол толоруллубут. Маннык административнай накаастабыл ыстараабын кээмэйэ 30-50 тыһ. солкуобайга тэҥнэһэр.

Полиция үлэһиттэрин сэрэтэр рейдэлэрэ салҕаналлар диэн ИДьМ пресс-сулууспата иһитиннэрэр.